Matius 16:6 - Porjanjian Boharu Torjomahan Baso Dilakng Soari-ari

⁶ Yesus bopandir ko sia', “Jagocam diri kaitn tohadap ragi doi' boko pomimpitn agama Yahudi, doi' kolompok Farisi huatan doi' kolompok Saduki.”

Matius 16:6 ပူးပေါင်းရင်းမြစ်များ

Lukas 12:1

Timpu Yesus botula' doi' rumah urakng Farisi nantai, banyaꞌ bondar urakng bokumpul. Obai sia' kotakng banyaꞌ sampai ado inyo totonja'an kaki siku'-monyiku' obai honda' mondingaꞌ Yesus mongajar. Yesus lobih doholu bopandir ko boko murid-Nyo, “Jagocam diri kaitn oca' co monjadi urakng pompadah boi' samaꞌan pomimpitn agama doi' kolompok Farisi. Kotiat'annyo sia' molayati Allah, apo sobondarnyo cado. Kojahatan sia' mongkitn banyaꞌ, mompongaruhi urakng bukai samaꞌan ragi bulah roti mongkitn mongombakng.

Galatia 5:9

Ingantcam: Kojahatan inyo kotiat'annyo kocit ado pongaruh bosar samo sama'an sodikit ragi mompongaruhi adonan roti oca'nyo mongombakng.

Markus 8:15

Yesus moonju' porintah ni'in ko sia'. Kato-Nyo, “Jagocam diri kaitn doi' ragi boko pomimpitn agama Yahudi huatan doi' kolompok Farisi ongko tohadap ragi rajo Herodes.”

Matius 16:12

Obai nantai, hoyu' sia' mongoroti. Yesus kinyo bomasud oca' sia' monjago diri tohadap ragi roti. Sio bomasud oca' sia' monjago diri tohadap ajaran urakng Farisi ongko urakng Saduki.

Lukas 12:15

Ongko Yesus bopandir ko somuo urakng di santai, “Boboi'cam! Jagocam diri kaitn doi' somuo macapm kotama'an. Obai hidup inyo sobondarnyo samo sokali kinyo bogantukng agatn banyaꞌnyo kodampuan.”

Matius 3:7

Apo banya' jam pomimpitn agama Yahudi pan datakng pakai' dibaptis. Ado doi' kolompok Farisi huatan kolompok Saduki. Watu Yohanes moniant sia', io bopandir, “Oi kaitn inyo jahat huatan licik sama'an ular biso! Jangan bopikir kaitn ulih morarian diri doi' hukupan Allah nononyo.

Matius 16:1

Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.

Matius 16:5

Timpu sia' monyomborakng danau, boko murid Yesus tongkolupatn mombaba' roti.

Matius 16:7

Jadi, sia' bopikir mongona'i pomandiran Yesus nantai. Sia' bopandir ko siku'-monyiku', “Yesus momandiran nantai obai kito co mombaba' roti.”

Matius 16:11

Kuba'annyo kaitn udah mongorotiam! Aku co bopandir ko kaitn mongona'i roti. Apo jagocam diri kaitn tohadap ragi doi' boko urakng Farisi huatan boko urakng Saduki.”

Yohanes 4:33

Obai nantai, boko murid-Nyo bopandir siku'-monyiku', “Ku kiro ado urakng inyo udah mombaba' pomakatn pakai' Sio?”