Matius 16:19 - Porjanjian Boharu Torjomahan Baso Dilakng Soari-ari

¹⁹ Aku paca'an moonju' ko kolai kunci Koraja'an Sorugo. Aman kolai mongobat sosuatu di dunia ni'in, hal nantai paca'an dikobat di sorugo jam. Aman kolai molopasan sosuatu di dunia ni'in, hal nantai paca'an dilopasan di sorugo jam.”

Matius 16:19 ပူးပေါင်းရင်းမြစ်များ

Matius 18:18

Dinga'anbo ni'in! Aman kaitn mongobat sosuatu di dunia ni'in, hal nantai pan paca'an dikobat di sorugo. Apo aman kaitn molopasan sosuatu di dunia ni'in, hal nantai pan paca'an dilopasan di sorugo.

Yohanes 20:23

Aman kaitn moamputi dosa urakng bukai, jadi Allah moamputinyo. Aman kaitn co moamputi dosa urakng bukai, jadi Allah co moamputinyo.”

Kisah Boko Rasul 15:7

Manah bondar sia' mombahas mosalah nantai. Lopas nantai, rasul Petrus bodiritn. Katonyo, “Boko somadikan! Kaitn tohu obai Allah udah momilih aku doi' antaro kaitn. Boboropo watu inyo komai, Allah momilih aku pakai' momboritoan Kabar Boi' ko boko urakng inyo bukainyo urakng Yahudi. Allah molabuhan nantai oca' sia' ulih mondinga' ongko monjadi pocayo agatn Yesus.

2 Korintus 2:10

Aman kaitn moamputi urakng inyo bulah salah, jadi aku pan moamputi urakng nantai. Watu ku moamputi urakng, aman memang ado inyo gola' diamputi, aku molabuhan nantai pakai' koboi'an kaitn somuo. Aku pan molabuhan nantai di hadapan Kristus.

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Wahyu 11:6

Sia' duo ado kuaso pakai' monutup langit oca' hujatn co turutn somanah sia' monyampaian posatn doi' Allah. Sia' pan ado kuaso pakai' bulah somuo ara'i monjadi darah. Sia' pan ado kuaso pakai' bulah somuo macapm boncana moninggakng bumi, sombilopan sia' honda' molabuhannyo.

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.

Wahyu 9:1

Lopas nantai, molekat inyo kolima' moniup trompetnyo. Pas nian, aku moniant sobuah bintakng jatu' doi' langit ko bumi. Bintakng nantai dionji'i kunci Jurakng Maut.