Matius 16:16 - Porjanjian Boharu Torjomahan Baso Dilakng Soari-ari

¹⁶ Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Matius 16:16 ပူးပေါင်းရင်းမြစ်များ

Matius 1:16

Yakub boana'an Yusuf. Yusuf nantai laki Maria inyo boana'an Yesus, Rajo Inyo Dijanjian Allah, Rajo inyo disobut ‘Kristus’.

Matius 14:33

Somuo urakng inyo ado di porohu nantai monyombah Sio. Kato sia', “Duatn bondar-bondar Ana' Allah!”

Matius 16:15

Lalu, Yesus botakutn ko sia', “Apo, monurut kaitn siku', sopo Aku ni'in?”

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Markus 14:61

Apo Yesus kinyo bobunyi. Sio kinyo monimbas samo sokali. Imam Agukng nantai botakutn agi', “Apo bai Kolai Rajo Inyo Dijanjian Allah inyo kito sobut ‘Mesias’? Apo bai Kolai Ana' doi' Allah inyo Topuji?”

Lukas 2:11

Obai ari ni'in di kota Daud udah lahir siku' urakng Ponyolamant, pakai' monulukng kaitn. Io nantai Rajo Inyo Dijanjian Allah.

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 11:27

Timbasnyo, “Au, Tuhatn! Aku pocayo agatn Duatn, nam Kristus, Rajo Inyo Dijanjian Allah. Duatn nam Ana' Allah inyo diutus ko dunia ni'in.”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 6:57

Allah Bopai inyo hidup moutus Aku. Aku hidup doi' Sio. Samo sama'an nantai jam, urakng inyo bopua' isi-Ku, io paca'an hidup doi' Aku.

Yohanes 6:68

Timbas Simon Petrus, “Tuhatn, conyiant ado siku' urakng bukai inyo koi paca'an tuyut! Pomandiran Duatn moonji'i hidup inyo somanah-manahnyo.

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Kisah Boko Rasul 8:37

Filipus bopandir, “Aman Habakng somombondarnyo pocayo ko Yesus, Habakng ulih dibaptis.” Kato pojabat nantai, “Aku pocayo Yesus nantai Rajo Inyo Dijanjian Allah. Yesus nantai Ana' Allah.”]

Kisah Boko Rasul 9:20

Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.

2 Korintus 1:19

Obai, Ana' Allah, Yesus Kristus, pan kinyo gangga'-gua'an di antaro ‘Au’ ongko ‘Cado’. Aku, Silas ongko Timotius udah momboritoan ko kaitn mongona'i Kristus, ia'an Rajo Inyo Dijanjian Allah. Molalu'i Sio, somuo janji Allah monjadi nyata, samo sama'an ado jawaban ‘Au’ doi' Allah. Jadi, di dalapm Kristus bayo ado ‘Au’. Nianam sobabnyo, watu kito mongatoan ‘Amin’ pakai' momuji Allah, kito mongatoan ‘Amin’ dalapm damo Kristus.

2 Korintus 3:3

Sia' dapat mongotohu'i obai somadikan samo sama'an surat Kristus, inyo di tulis molalu'i polayatan koi. Surat nantai ditulis bukainyo agatn tintah apo agatn Roh Allah inyo hidup, bukainyo jam di batu tulis apo di hati monsio.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

Ibrani 10:31

Jadi, ngeri' bondar aman urakng bodosa sama'an nantai huatan gola' dihukupm Allah inyo hidup.

Ibrani 12:22

Apo kaitn udah datakng ko Bukit Sion, ko kota Allah inyo hidup, ia'an kota Yerusalem inyo ado di sorugo. Kaitn datakng mohadapi boribu-ribu molekat.

Ibrani 3:12

Jadi, boko somadikan, boboi'cam oca' kinyo ado di antaro kaitn inyo bohati jahat inyo kinyo honda' pocayo ko Allah. Jangan sampai kaitn botongga' taat ko Allah inyo hidup.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

1 Yohanes 4:15

Urakng inyo mongaku'i Yesus nam Ana' Allah, jadi Allah bosatu agatn urakng nantai huatan urakng nantai hidup bosatu agatn Allah.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Yohanes 5:5

Sopo pan inyo ulih mongalahan dunia? Ongkah urakng inyo pocayo am obai Yesus nam Ana' Allah.

Wahyu 7:2

Koompat molekat nantai udah dionji'i kuaso pakai' morusa'an bumi ongko lout. Apo aku moniant ado siku' urakng molekat inyo bukai inyo koluar doi' sopia' timur. Io mombaba' cap doi' Allah inyo hidup. Sio bopandir ko koompat molekat nantai agatn saro kotakan borakng.