Matius 16:13 - Porjanjian Boharu Torjomahan Baso Dilakng Soari-ari

¹³ Lopas nantai Yesus botula' ko doerah dampikng kota Kaisarea Filipi. Di santai Sio botakutn ko boko murid-Nyo, “Kuji boko urakng, sopo Ana' Monsio?”

Matius 16:13 ပူးပေါင်းရင်းမြစ်များ

Yohanes 5:27

Sio udah moonji'i kuaso ko Io pakai' mohakipi, obai Io nam inyo disobut Ana' Monsio.

Matius 9:6

Apo watu ni'in Aku honda' moniant'an ko kolai obai di pucu' bumi ni'in Ana' Monsio bokuaso moamputi dosa.” Ongko Yesus bopandir ko urakng lumpuh nantai, “Huascam, angkat kotidu'an kolai, huatan pulakngcam ko rumah kolai!”

Matius 13:37

Timbas Yesus, “Potani inyo moabur monggambaran Ana' Monsio.

Matius 12:8

Obai Ana' Monsio ia'an Tuhatn inyo bokuaso tohadap Ari Sabat.”

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 7:56

Stefanus bopandir, “Tiat! Aku moniant langit tobuka'. Yesus Inyo Diutus Allah Pakai' Monjadi Monsio tongahan bodiritn di tompat inyo palikng tohormat di su'utn.”

Yohanes 12:34

Urakng banya' nantai bopandir, “Hukupm Torat mongatoan obai Kristus, Rajo Inyo Dijanjian Allah, paca'an totap hidup kokal. Jadi, sama'an lapo Duatn mongatoan obai Ana' Monsio paca'an diangkat doi' bumi? Sopo Ana' Monsio nantai?”

Markus 10:45

Kaitn gola' moniru toladatn Ana' Monsio inyo datakng ko dunia ni'in bukainyo pakai' dilayati boko urakng bukai, apo pakai' molayati boko urakng bukai. Io paca'an monyorahan dirinyo sampai mati pakai' mombayar hukupan dosa boko urakng.”

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 15:21

Lopas nantai, Yesus moninggalan tompat nantai lalu botula' ko doerah Tirus ongko Sidon.

Matius 13:41

Ana' Monsio paca'an monyiuh boko molekat-Nyo. Sia' paca'an mongumpulan somuo hal inyo monyobab'an monsio bulah dosa ongko boko urakng inyo molabuhan kojahatan. Boko molekat nantai paca'an mongoluaran somuo inyo jahat nantai doi' Koraja'an-Nyo,

Matius 12:32

Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Yohanes 3:14

Samo sama'an komai Musa moninggian ular tombago ditihakng kayu dipadakng pasir. Samo ubo nantai jam agatn Ana' Monsio paca'an ditinggian

Yohanes 1:51

Lalu Yesus bopandir, “Bondar-bondar pocayo cam! Kaitn paca'an moniant langit tobuka', lalu boko molekat Allah turutn noi' ko ‘Ana' Monsio.’ ”

Matius 12:40

Yunus ado di dalapm porut ikatn bosar somanah tigo ari tigo malapm. Ubo nian jam Ana' Monsio paca'an di dalapm pasaran somanah tigo ari tigo malapm.

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”