Matius 16:1 - Porjanjian Boharu Torjomahan Baso Dilakng Soari-ari

¹ Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.

Matius 16:1 ပူးပေါင်းရင်းမြစ်များ

Matius 12:14

Apo boko urakng Farisi nantai koluar ongko bulah gogadatn pakai' mombunuh Yesus.

Matius 15:1

Lopas nian, ado boboropo pomimpitn agama Yahudi inyo datakng doi' Yerusalem, ia'an boboropo pomimpitn doi' kolompok Farisi ongko boboropo guru agama Yahudi jam. Sia' datakng ko Yesus. Kato sia',

Matius 16:6

Yesus bopandir ko sia', “Jagocam diri kaitn tohadap ragi doi' boko pomimpitn agama Yahudi, doi' kolompok Farisi huatan doi' kolompok Saduki.”

Matius 19:3

Lalu, ado boboropo pomimpitn agama Yahudi doi' kolompok Farisi, sia' datakng ko Yesus honda' bogoyap caro pakai' monyalahan Sio. Kato sia', “Ulih cado siku' urakng lolaki monyaya' bininyo agatn alasan la'apo pan?”

Matius 22:15

Lopas nian, boko pomimpitn agama Yahudi doi' kolompok Farisi nantai botula'am doi' santai. Sia' bohajat pakai' monakutan sosuatu ko Yesus agatn tujuan oca' sia' ulih monyalahan Yesus.

Matius 22:18

Apo Yesus tohu mo tujuan sia' inyo jahat nantai. Ia'an Sio bopandir, “Kaitn pompadah boi' mo. Mapo kaitn monjebak-Ku?

Matius 22:23

Timpu ari nantai jam, boboropo pomimpitn agama Yahudi inyo bukai datakng ko Yesus. Sia' doi' kolompok Saduki inyo co pocayo obai urakng paca'an bobali' hidup agi' lopas jadi mati. Jadi, sia' honda' monjebak Yesus agatn potakutan mongona'i nantai. Kato sia',

Matius 23:2

Kato-Nyo, “Boko guru agama Yahudi huatan boko urakng Farisi ado hak pakai' moajaran porintah huatan poraturan Allah inyo ditulis Musa.

Matius 27:62

Kohobu'annyo, ari Sabat, boko imam kopala' ongko boko pomimpitn agama Yahudi doi' kolompok Farisi, sia' botula' mohadap Pilatus.

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Matius 9:11

Watu nantai boko pomimpitn agama Yahudi doi' kolompok Farisi moniant hal nantai, sia' bopandir ko boko murid Yesus. Kato sia', “Ma'apo guru kaitn makatn bosamo-samo agatn ponagih pajak ongko boko urakng bukai inyo bodosa?”

Markus 10:2

Ado boko pomimpitn agama Yahudi doi' kolompok Farisi, sia' datakng ko Yesus pakai' bogoyap alasan oca' monyalahan Sio. Sia' botakutn, “Monurut Hukupm Torat, ulih cado laki monyaya' bininyo?”

Markus 12:15

Apo Yesus mongotohu'i sia' inyo pompadah boi'. Ongko Sio bopandir ko sia', “Mapo kaitn moncubo monggogadati Aku? Cubo tiat'an ko Aku sopingka'i duit pira'.”

Markus 12:18

Lopasnyo, boboropo pomimpitn agama Yahudi inyo bukainyo datakng ko Yesus. Sia' doi' kolompok Saduki inyo kinyo pocayo agatn urakng mati bobali' hidup. Jadi, sia' moncubo mouru'an Yesus agatn potakutan mongona'i nantai. Kato sia',

Lukas 10:25

Lopas nian siku' urakng guru Agama Yahudi maju pakai' moncubo Yesus. Io botakutn, “Guru, aku gola' molabuhan la'apo oca' ulih monorima' hidup kokal?”

Lukas 11:16

Apo ado jam boko urakng bukai inyo honda' moncubo'i Yesus. Sia' minto Yesus bulah mujisatpakai' mombutian kuaso-Nyo doi' Allah, bukainyo doi' Rajo Sitatn.

Lukas 20:23

Apo Yesus udah mongotohu'i masud sia' inyo licik nantai. Jadi Sio bopandir,

Lukas 20:27

Di santai pan ado boboropo pomimpitn agama Yahudi doi' kolompok Saduki. Sia' kinyo pocayo urakng tajahan hidup agi' lopas jadi mati. Sia' honda' mombutian aman sia' nantai bondar, jadi sia' datakng ko Yesus, botakutn mongonaꞌi hal nantai.

Yohanes 8:6

(Sia' botakutn ubo nantai pakai' moncubo'i Sio oca' sia' ulih monyalahan Sio socaro hukupm.) Apo Yesus mombungku'an bukakng-tubuh Sio, lalu monulis agatn jari-Nyo di tanah.

Kisah Boko Rasul 4:1

Timpu Petrus ongko Yohanes ija' bopandir ko urakng banya' nantai, sia' duo didataki boko pomimpitn urakng Yahudi. Ado kopala' ponjago Rumah Allah, boboropo imam, huatan boboropo urakng doi' kolompok Saduki.

Kisah Boko Rasul 5:17

Timpu nantai, ado Imam Agukng agatn boko pongikutnyo. Sia' boasal doi' pomimpitn agama Yahudi doi' kolompok Saduki. Sia' monjadi tungi obai banya' urakng pocayo Kabar Boi' mongona'i Yesus inyo disampaian boko rasul.

1 Korintus 1:22

Banya' urakng Yahudi bayo honda' moniant mujisat. Banya' urakng Yunani bayo bogoyap kopintar-corodi'an monsio.