Matius 15:30 - Porjanjian Boharu Torjomahan Baso Dilakng Soari-ari

³⁰ Banya' urakng inyo datakng ko Sio. Sia' mombaba' boko urakng agatn bomacapm ponyakit. Ado urakng inyo lumpuh, urakng inyo buto, urakng inyo timpakng, urakng inyo bisu, huatan banya' urakng agatn ponyakit bukai. Sia' molota'an boko urakng sakit nantai di pohadapan Yesus. Lalu, Sio monyamani somuo urakng sakit nantai.

Matius 15:30 ပူးပေါင်းရင်းမြစ်များ

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Markus 9:43

Aman jari kulo mombulah kulo bodosa, tota' ja'am. Obai, lobih boi' aman kulo mondapat'an hidup kokal di sorugo agatn jari sopia' daripado agatn kododuo jari kulo lalu nononyo dibuakan ko dalapm api noraka inyo kinyo kalo buta'. [

Lukas 14:13

Apo, aman kolai moadoan pogai ongko makatn, hundakngbo boko urakng inyo culih mombalasnyo samaꞌan urakng jaro, urakng bokocina'an, urakng lumpuh, urakng buto. Aman kolai bulah ubo nantai, kolai tajahan dapat balasan inyo jouh lobih boi' timpu Allah bulah boko urakng inyo taat ko Sio hidup agi'.”