Matius 15:28 - Porjanjian Boharu Torjomahan Baso Dilakng Soari-ari

²⁸ Lalu Yesus bopandir ko io, “Indai, kotakan bosar kopocaya'an kolai! Lalu, biaram tojadi sosuai agatn porminta'an kolai.” Watu nantai jam ana' botina' nantai lansukng nyamanam.

Matius 15:28 ပူးပေါင်းရင်းမြစ်များ

Matius 8:13

Ongko Yesus bopandir ko powira nantai, “Pulakngcam. Kolai udah pocayo Aku ulih monyamani hulutn kolai. Hal nantai paca'an tojadi.” Watu nantai jam hulutnnyo nantai nyamanam.

Markus 5:34

Kato Yesus ko io, “Ana'-Ku, obai kolai udah pocayo ko aku, kolai nyamanam! Hingkascam agatn sonang-nyaman. Kolai udah nyamanam am doi' ponyakit kolai!”

Matius 9:22

Apo Yesus mongilikng huatan moniant botina' nantai. Kato-Nyo, “Somadikan-Ku, jangan gola'. Kolai nyamanam obai kolai udah pocayo ko Aku.” Watu nantai jam, botina' nantai nyamanam.

Matius 8:10

Yesus hiratn mondinga' pomandiran powira nantai. Yesus bopandir ko sia' inyo tuyut Sio. Kato-Nyo, “Dinga'anbo, Aku bolupm kalo monomuan iman sobosar ni'in. Doi' banso-Ku urakng Israel, bolupm kalo ku tomu'i urakng inyo pocayo ko Allah samo sama'an powira Romawi ni'in.

Lukas 17:5

Ongko koduo bolas rasul nantai bopandir ko Tuhatn Yesus, “Pulahbo iman koi lobih kuat.”

Lukas 7:50

Apo Yesus totap bopandir ko botina' nantai, “Kolai disolamant'an doi' boko dosa kolai obai pocayo ko Aku. Botula'cam agatn sonang-asau.”

Lukas 7:9

Yesus topocongo mondingaꞌ posatn powira tontara inyo dipadahan sia' nantai ko Sio. Ongko Yesus mongilikng boko urakng banyaꞌ inyo tuyut sosamo agatn Sio. Ongko bopandir, “Pondinga'anbo, Aku bolupm kalo monomu'i iman sobosar ni'in. Doi' bansoku siku', urakng Yahudi pan, bolupm ado inyo bondar-bondar pocayo ko Aku agatn soponuh hati samaꞌan powira tontara urakng Roma ni'in.”

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

Matius 14:31

Yesus lansukng mouluran longan-Nyo, moncanggapm Petrus. Kato Yesus, “Kolai kurakng pocayo! Kuba'annyo kolai jangan gangga'-gua'an!”

Matius 15:27

Kato botina' nantai, “Bondar Tuhatn. Apo boko kudu' pan ulih monggilati boko komputikng inyo jatu' doi' meja habakngnyo.”