Matius 15:22 - Porjanjian Boharu Torjomahan Baso Dilakng Soari-ari

²² Siku' botina' doi' doerah nantai datakng ko Yesus. Botina' nantai doi' banso Kanaan. Sio moningkau, “Tuhatn, Rajo doi' koturutan Daud. Kasihicam aku! Ana' botina' ku dirasu'i roh jahat. Io kotakan podih jorih.”

Matius 15:22 ပူးပေါင်းရင်းမြစ်များ

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Matius 15:23

Apo Yesus kinyo monimbasi botina' nantai samo sokali. Lalu, boko murid Yesus datakng. Sia' minto ko Yesus, “Siuh bo botina' nantai botula'. Io torus ja' mombodapan kito kapikng mondongkakng-mondorah.”

Matius 17:15

Kato io, “Tuhatn, aku momuhun kasihicam ana'ku. Io kompodihan obai ado ponyakit inyo opat bulah io gogilo babi. Io opat jatu' ko dalapm api huatan opat jatu' ko dalapm ara'i.

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Matius 9:27

Lopas Yesus botula' doi' santai, ado duo urakng buto mombodapan Sio. Sia' mondongkakng-mondorah, “Yesus, Rajo doi' koturutan Daud! Kasihicam koi!”

Lukas 17:13

Sia' mondongkakng-mondorah moningkau Yesus, “Habakng! Tulukng nyamanibo koi!”

Lukas 18:13

Apo ponagih pajak nantai bodiritn jouh doi' somuo urakng bukai. Io monundu'an kopala'nyo obai mooso kinyo cucu' monongadah ko sorugo. Io momantu-mantu dadonyo obai monyosali boko dosanyo. Io bopandir, ‘Oi, Allah. Tulukng kasihibo aku. Aku ni'inan urakng inyo bodosa!’ ”

Lukas 6:18

Sia' datakng honda' mondingaꞌ pongajaran Yesus. Huatan minto nyamani doi' bomacapm ponyakit sia'. Tomansu' boko urakng inyo korasu'an roh jahat.