Matius 15:17 - Porjanjian Boharu Torjomahan Baso Dilakng Soari-ari

¹⁷ Pasti kaitn tohu obai pomakatn minuman inyo mansu' ko dalapm nyao, turutn ko dalapm porut, lalu dibuakan ko jambatn ja'am.

Matius 15:17 ပူးပေါင်းရင်းမြစ်များ

Matius 15:16

Timbas Yesus, “Kaitn ija' jam bolupm mongoroti jam!

Matius 15:18

Apo pomandiran inyo koluar doi' mulut monunju'an hati boko urakng. Boko hal nantai inyo ulih bulah boko urakng monjadi campah bukakng-tubuhnyo.

Markus 7:19

Obai, boko hal nantai kinyo mansu' ko dalapm hati monsio, apo mansu' ko dalapm porutnyo, lalu diboria'an.” (Agatn pomandiran nantai, Yesus monjolasan obai somuo pomakatn kinyo pomali ulih dipua'i).

Lukas 6:45

Sama'an nian jam urakng boi' pasti mongoluaran hal inyo boi' obai hatinyo boi'. Sama'an nian jam urakng jahat pasti mongoluaran hal inyo jahat obai hatinyo jahat. Obai la'apo inyo dipandirannyo koluar doi' isi hatinyo.”

1 Korintus 6:13

Pomakatn dipulah pakai' moisi'i porut kito. Porut kito dipulah pakai' mooso'i pomakatn: Apo Allah paca'an mohancuran kododuonyo. Allah co bulah bukakng-tubuh kito pakai' bomporajoan. Bukakng-tubuh kito dipulah pakai' molabuhan boko hal inyo monyonangan Tuhatn Yesus. Tuhatn inyo monguaso'i bukakng-tubuh kito.

Yakobus 3:6

Lidah kito ulih bosipat morusa'an samo sama'an api jam. Lidah kito inyo kotakng jahat doi' somuo bagian bukakng-tubuh inyo bukai. Pomandiran kito ulih monyebaran kojahatan ko soluruh kohidupan kito. Kojahatan nantai morusa'an soluruh kohidupan kito samo sama'an api morusa'an soluruh hutatn nantai. Api nantai memang api doi' noraka.