Matius 14:6 - Porjanjian Boharu Torjomahan Baso Dilakng Soari-ari

⁶ Apo watu ari ulakng tohutn Herodes, ana' botina' Herodias bonari di hadapan boko urakng inyo hadir di pogai nantai. Tariannyo nantai kotakan monyonangan hati Herodes,

Matius 14:6 ပူးပေါင်းရင်းမြစ်များ

Matius 14:3

Cukup manah sobolupm nantai, Herodes bobini agatn Herodias, apo komainyo Herodias nantaiam bini somadikan Herodes, damonyo Filipus. Jadi, Yohanes opat monogur Herodes. Katonyo, “Kulo culih bobini agatn Herodias!” Obai nantai, Herodes monyiuh oca' Yohanes ditangkap, dikobat agatn rantai lalu dimansu'an ko dalapm ponjara.

Matius 14:7

ia'an pan Herodes bojanji ko bobia' nantai, io paca'an moonji'i lapo ja' inyo io pinto.

Matius 22:24

“Guru, Musa moajaran poraturan ubo ni'in: Aman siku' urakng lolaki mati, bolupm boana', jadi somadikannyo gola' kawitn agatn iparnyo nantai oca' dionji'i koturutan pakai' somadikannyo inyo udah mati nantai.

Markus 6:14

Timpu nantai, Rajo Herodes momorintah di propinsi Galilea. Sio mondinga' boko borito mongona'i Yesus obai damo Yesus monjadi tokonal di soluruh doerah nantai. Ado urakng inyo bopandir, “Yesus nam Yohanes Pombaptis inyo udah hidup agi'. Nantai am sobabnyo Sio ado kuaso pakai' mombulah mujisat.”

Markus 6:17

Cukup manah sobolupm nantai, Herodes kawitn agatn Herodias, apo komainyo Herodias nantai bini somadikan Herodes, damonyo Filipus. Jadi, Yohanes kalo monogur Herodes. Katonyo, “Kolai culih kawitn agatn Herodias!” Obai nantai, Herodes moyiuh urakng oca' Yohanes ditangkap, lalu dikobat agatn rantai di dalapm ponjara.

Markus 6:19

Obai toguran Yohanes, Herodias mondondapannyo, honda' mombunuhnyo. Apo culihnyo molabuhan la'apoam

Markus 8:15

Yesus moonju' porintah ni'in ko sia'. Kato-Nyo, “Jagocam diri kaitn doi' ragi boko pomimpitn agama Yahudi huatan doi' kolompok Farisi ongko tohadap ragi rajo Herodes.”

Lukas 13:31

Timpu nian jam, ado boboropo urakng Farisi datakng ko Yesus. Sia' bopandir, “Jangan bodiapm di si'itn obai Herodes honda' mombunuh Duatn! Lobih boi' botula' cam ko tompat bukai.”

Lukas 23:11

Lalu Herodes ongko boko projuritnyo mohayam Yesus. Sia' boulu'an Yesus agatn mongona'an jubah rajo ko Sio. Lalu, Herodes monyiuh boko projurit mombaba' Yesus bobali' ko Pilatus.

Lukas 23:7

Lopas jadi dipadahan obai Yesus memang boasal doi' su'utn, Pilatus monyiuh boko projurit mombaba' Yesus ko Herodes, rajo doerah Galilea. Mumpukan io ado di kota Yerusalem jam.

Lukas 3:1

Ado Kaisar inyo bodamoan Tiberius, rajo inyo kotakan bokuaso di Roma. Di tohutn ko lima' bolas watu io momorintah, ado boko pojabat di babahnyo inyo momorintah di boko doerah di nogori Israel. Pontius Pilatus monjadi gubernur di doerah Yudea; Herodes momorintah di doerah Galilea, somadikan Herodes damonyo Filipus momorintah di doerah Iturea huatan Trakhonitis. Lisanias momorintah di doerah Abilene.

Lukas 3:19

Yohanes pan monogur Herodes, Rajo doerah Galilea, obai Herodes kawitn agatn Herodias, bini somadikannyo. Yohanes monogur io obai somuo kojahatannyo inyo bukai jam.

Kisah Boko Rasul 12:1

Somontaro Barnabas ongko Saulus ija' di Antiokhia, Rajo Herodes monyiuh boko projuritnyo pakai' monangkap boboropo urakng inyo pocayo di Yerusalem. Herodes honda' mondorako'i boko urakng inyo pocayo agatn Yesus.

Kisah Boko Rasul 4:27

Oh, Tuhatn! Tulisan Rajo Daud nantai udah monjadi nyata. Di kota Yerusalem ni'in Gubernur Herodes, Gubernur Pontius Pilatus, boko urakng bukai Yahudi bosamo agatn boko urakng Yahudi udah bogabukng molawatn Yesus. Sio nantai Hulutn Duatn inyo kinyo bodosa, ia'an Rajo Inyo Duatn janjian.