Matius 14:33 - Porjanjian Boharu Torjomahan Baso Dilakng Soari-ari

³³ Somuo urakng inyo ado di porohu nantai monyombah Sio. Kato sia', “Duatn bondar-bondar Ana' Allah!”

Matius 14:33 ပူးပေါင်းရင်းမြစ်များ

Matius 14:32

Watu Yesus ongko Petrus noi' ko dalapm porohu, angin bonakau nantai pan botongga'am.

Matius 15:25

Apo botina' nantai mondampiki Yesus lalu tundu' monyungkapan di hadapan Sio. Kato botina' nantai, “Tuhatn, tulukngbo aku!”

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 2:11

Sia' mansu' ko dalapm rumah nantai ongko moniant Bobia' nantai bosamo agatn Maria, indai-Nyo. Sia' monyungkapan monyombah Bobia' nantai, ongko mombuka' poti tompat bando barakng sia'. Sia' moonju' boko posombahan ko Sio, ia'an omas, monyan ongko mur.

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Matius 27:43

Sio pocayo ko Allah. Sio kalo bopandir obai Sio nam Ana' Allah. Jadi, aman Allah bondar-bondar sonang agatn Sio, biaram Allah monyolamant'an-Nyo watu ni'in!”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 28:17

Timpu sia' moniant Yesus di su'utn, sia' tundu' monyungkapan monyombah Sio. Apo ado di antaro sia' inyo gangga'-gua'an.

Matius 28:9

Sopongirap Yesus monomu'i boko botina' nantai dalapm pojalatan. Kato Sio, “Salapm!” Sia' mohampiki Sio, mongolu'i kaki Sio huatan monyombah Sio.

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Markus 1:1

Ninam Kabar Boi' mongona'i Yesus Kristus, Ana' Allah.

Markus 14:61

Apo Yesus kinyo bobunyi. Sio kinyo monimbas samo sokali. Imam Agukng nantai botakutn agi', “Apo bai Kolai Rajo Inyo Dijanjian Allah inyo kito sobut ‘Mesias’? Apo bai Kolai Ana' doi' Allah inyo Topuji?”

Markus 15:39

Ado kopala' pasukan inyo bodiritn di pohadapan salib Yesus. Io moniant somuo inyo tojadi watu Yesus mati. Jadi, io bopandir, “Urakng ni'in maho bondar-bondar Ana' Allah!”

Lukas 24:52

Sia' tundu' monyombah Sio, lopas nantai sia' pulakng ko Yerusalem agatn hati kotakng rindakng bondar.

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 11:27

Timbasnyo, “Au, Tuhatn! Aku pocayo agatn Duatn, nam Kristus, Rajo Inyo Dijanjian Allah. Duatn nam Ana' Allah inyo diutus ko dunia ni'in.”

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Yohanes 19:7

Kato boko urakng Yahudi nantai ko io, “Koi ado poraturan agama. Monurut poraturan nantai, Sio gola' dihukupm mati. Obai, Sio mongatoan diri-Nyo Ana' Allah!”

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [