Matius 14:19 - Porjanjian Boharu Torjomahan Baso Dilakng Soari-ari

¹⁹ Lalu Sio monyiuh boko urakng nantai dudu' di pucu' rumput. Lopas nian, Yesus monguti' lima' pingkai' roti agatn duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, dionju'nyo ko boko murid-Nyo oca' di pombagian ko boko urakng banya' nantai.

Matius 14:19 ပူးပေါင်းရင်းမြစ်များ

Lukas 24:30

Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Kisah Boko Rasul 27:35

Lopas jadi io bopandir nantai, io monguti' roti ongko botorima' kasih ko Allah di hadapan somuo urakng. Io momingkai'-mingkai' roti nantai, ongko mula'i momua'inyo.

Markus 6:41

Yesus monguti' lima' pingkai' roti ongko duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, moonju'nyo ko boko murid-Nyo oca' dipombagian ko urakng banya' nantai. Agatn caro inyo samo, Sio mombagian koduo iku' ikatn nantai ko somuo sia'.

1 Korintus 11:24

ongko moucap sukur paca'an roti nantai. Sio momingkai'-mingkai' roti nantai huatan bopandir, “Ni'innam bukakng-tubuh-Ku inyo disorahan pakai' kaitn. Labuhancam ni'in pakai' monggonang Aku.”

Roma 14:6

Urakng inyo bopikir ado ari totontu inyo lobih pontikng, io molabuhan nantai pakai' mohormati Tuhatn. Urakng inyo bopua' la'apo ja', io molabuhan nantai pakai' mohormati Tuhatn obai io bosukur ko Allah. Urakng inyo bayo bopua' pomakatn inyo totontu, io molabuhan nantai pakai' mohormati Tuhatn. Io pan bosukur ko Allah.

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

1 Korintus 10:16

Watu kito morayaan Porjamuan Tuhatn, kito minum anggur ongko bosukur ko Allah. Nantai monunju'an obai kito bosokutu agatn darah Kristus. Huatan watu kito mombagi-bagian roti pakai' dipua'i sosamo, nantai monunju'an obai kito bosokutu agatn bukakng-tubuh Kristus.

Lukas 9:14

(Ado kiro-kiro lima' ribu lolaki bujakng ongko urakng tuho.) Ongko, Yesus bopandir ko sia', “Siuham boko urakng ni'in dudu' bokolompok, kiro-kiro lima' puluh urakng sokolompok.”

Markus 7:34

Yesus monongadah ko langit, mongosih panjakng ongko bopandir dalapm baso Yahudi, “Efata!” Rotinyo, “Tobuka'cam!”

1 Korintus 10:31

Apo aku momandiran ni'in: Aman kaitn makatn, damo minum, damo molabuhan la'apo pan, labuhancam somuonyo oca' urakng bukai momuji Allah.

Yohanes 6:23

Lopas nantai ado boboropo porohu inyo datakng doi' kota Tiberias. Boko porohu nantai datakng ko dampikng tompat Tuhatn Yesus moonji'i roti ko boko urakng banya' somamannyo lopas jadi Sio moucap'an torima' kasih ko Allah.

Markus 6:39

Lalu, Yesus monyiuh urakng banya' nantai dudu' bokolompok-kolompok di rumput hijau.

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.

Lukas 22:19

Lopas nantai Yesus monguti' roti. Lopas jadi bodoa sukur agi', Sio momingkai'-mingkai' roti nantai agatn jari-Nyo lalu moonju'nyo ko sia'. Kato-Nyo, “Ni'innam bukakng-tubuh-Ku inyo paca'an Ku sorahan pakai' kaitn. Pulahcam ni'in torus-monorus pakai' monggonang Aku.”

Lukas 9:16

Lopas nian, Yesus monguti' lima' pingkai' roti huatan duo iku' ikatn nantai, monongadah ko langit, moucap'an torima' kasih ko Allah. Ongko Sio momingkai'-mingkai' roti ongko ikatn nantai, moonju'nyo ko boko murid-Nyo oca' dipombagian ko boko urakng banyaꞌ nantai.

Matius 14:18

“Baba' nantai ko si'itan,” kato Yesus.

Lukas 22:17

Lopas nantai Yesus monguti' socangkir anggur, lalu bodoa bosukur ko Allah. Lopas nian Sio bopandir, “Kuti'cam ni'in, lalu pombagi-bagiancam.