Matius 14:14 - Porjanjian Boharu Torjomahan Baso Dilakng Soari-ari

¹⁴ Watu Yesus mondarat, Sio moniant kotakan banya' urakng di santai. Jadi, Sio mooso salu' agatn sia' lalu monyamani boko urakng inyo boponyakit di antaro sia'.

Matius 14:14 ပူးပေါင်းရင်းမြစ်များ

Matius 14:15

Watu ari mula'i malapm, boko murid Yesus mondataki Sio. Kato sia', “Ari mula'i malapm ongko tompat ni'in langunt. Jadi, siuh boko urakng ni'in botula' oca' sia' ulih momboli pomakatn di boko laman inyo dampikng si'itn.”

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Matius 9:36

Watu Sio moniant urakng banya' nantai, Sio salu' agatn sia' obai sia' dalapm kosusahan huatan kotakng momontikan potulukan, samo sama'an boko domba inyo kinyo bisi gombala.

Markus 6:34

Watu Yesus turutn doi' porohu, Sio moniant ado banya' urakng di santai. Sio mooso kasih agatn sia' obai sia' conyiant urakng inyo moirikng sia'. Sia' samo sama'an boko domba inyo conyiant pongombolonyo. Jadi, Sio mongajaran banya' hal ko sia'.

Markus 9:22

Kotakng opatam roh jahat nantai honda' mombunuh io mombulah io jatu' ko dalapm api damo ko dalapm ara'i. Apo aman Duatn ulih bulah la'apo pan, kasihibo koi. Tulukng koi!”

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.