Matius 14:13 - Porjanjian Boharu Torjomahan Baso Dilakng Soari-ari

¹³ Lopas Yesus mondinga' borito nantai, Sio goyap tompat oca' Sio ulih sonsiku'an. Jadi, Sio noi' porohu ko tompat inyo langunt. Apo boko urakng banya' mondinga' mongona'i ko mono Sio botula'. Jadi sia' moninggalan boko kota sia' lalu botula' tuyut Yesus molalu'i jalatn darat.

Matius 14:13 ပူးပေါင်းရင်းမြစ်များ

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Matius 14:12

Lopas nantai, boko murid Yohanes Pombaptis momocaki bangkai Yohanes doi' ponjara lalu momasarnyo. Lopas nian, sia' botula' ko Yesus lalu momadahan la'apo inyo udah tojadi.

Markus 1:35

Sunsukng pukau, watu ari ija' potakng, Yesus huas lalu botula' ko doerah inyo langunt ongko bodoa di santai.

Lukas 4:42

Kohobu'annyo watu matoari moncara', Yesus moninggalan kota Kapernaum nantai, botula' ko tompat inyo langunt. Apo banyaꞌ boko urakng monggoyapi Sio. Koponsuahannyo, sia' pan monomuan-Nyo, huatan bousaha oca' Sio jangan moninggalan sia'.