Matius 13:52 - Porjanjian Boharu Torjomahan Baso Dilakng Soari-ari

⁵² Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Matius 13:52 ပူးပေါင်းရင်းမြစ်များ

Matius 12:35

Urakng inyo boi' momandiran boko hal inyo boi' obai hatinyo boi'. Sobali'nyo, urakng inyo jahat momandiran boko hal inyo jahat obai hatinyo jahat.

Matius 13:51

Lalu Yesus botakutn ko boko murid-Nyo, “Kata'an kaitn mongoroti somuonyo nantai?” Sia' monimbas, “Au, koi mongoroti.”

Matius 13:53

Lopas Yesus jadi mongisahan boko poumpamoan nantai, Sio moninggalan tompat nantai.

Matius 23:34

Pondinga'anbo! Aku moutus ko kaitn boko nabi, boko urakng pintar-corodi', huatan boko guru inyo moajaran Pomandiran Allah. Ado doi' sia' inyo paca'an kaitn bunuh. Sobagi'an doi' sia' paca'an kaitn hukupm mati di kayu salib. Inyo bukai paca'an kaitn sipat di boko rumah sombayakng kaitn. Inyo bukai agi' paca'an kaitn dorako'i doi' kota ko kota.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Lukas 11:49

Nantaiam obainyo, Allah inyo kotakan pintar-corodi' bopandir obai Sio tajahan mongiripm boko nabi huatan boko rasul ko kaitn urakng Israel, apo kaitn tajahan mombunuh sobagi'annyo huatan kaitn paca'an mondorako'i sobagi'annyo agi'.

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

2 Korintus 6:10

Opat jam koi salu', apo hala adomo mooso sonang-nyamannyo. Koi jaro, apo bulah urakng banya' monjadi dampu dalapm Tuhatn. Koi conyiant ado la'apo pan, apo sobondarnyo koi dampu dalapm Kristus.

Efesus 3:4

Aman kaitn mombaconyo, kaitn paca'an momahami mongona'i roncana-Nyo inyo dilabuhan-Nyo molalu'i Kristus samo sama'an aku momahaminyo.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Kolose 1:7

Kaitn mongotohu'i somuo nantai doi' Epafras, somadikan inyo koi kasihi. Sio nantai kawal boi' dalapm pokoroja'an molayati Kristus agatn sotia. Sio molayati di antaro kaitn.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

1 Timotius 3:6

Watu momilih urakng pakai' monjadi ponotua', jangan momilih urakng inyo hoyu' pocayo ko Yesus. Mungkitn urakng inyo hoyu' pocayo sama'an nantai buhau. Aman io buhau, Allah paca'an mohukupm io samo sama'an Rajo Sitatn obai io pan buhau.

Titus 1:9

Io pan gola' bobondar pocayo Kabar Boi' inyo kito ajaran ko io, ia'an ajaran inyo bondar huatan ulih dipocayo. Io gola' bobondar pocayo tohadap ajaran nantai oca' io mampu momadahi ongko moonji'i somangant ko urakng bukai pakai' monaati ajaran inyo bondar nantai. Io gola' bobondar pocayo oca' io pan ulih monunju'an ko urakng inyo molawatn ajaran nantai, obai sia' salah.