Matius 13:51 - Porjanjian Boharu Torjomahan Baso Dilakng Soari-ari

⁵¹ Lalu Yesus botakutn ko boko murid-Nyo, “Kata'an kaitn mongoroti somuonyo nantai?” Sia' monimbas, “Au, koi mongoroti.”

Matius 13:51 ပူးပေါင်းရင်းမြစ်များ

Markus 4:34

Yesus hala momakai poumpamoan aman Sio mongajar boko urakng nantai. Apo aman Sio siku' agatn boko murid-Nyo, Sio monjolasan somuonyo ko sia'.

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Markus 7:18

Timbas Yesus, “Apo bai kaitn bolupm mongoroti jam? Kaitn gola' tohu obai la'apo pan inyo mansu' ko dalapm nyao kinyo bulah urakng monjadi campah.

Matius 24:15

“Timpu joman komai Nabi Daniel bopandir mongona'i ‘ado siku' urakng jahat inyo mombonasoan.’ Urakng nantai paca'an bodiritn di tompat inyo suci. (Porotiancam oca' urakng inyo mombaco ni'in mongotohu'i rotinyo.) Yesus molajuan pandir-Nyo, Aman kaitn moniant pomandiran nabi Daniel nianan monjadi nyata,

Matius 16:11

Kuba'annyo kaitn udah mongorotiam! Aku co bopandir ko kaitn mongona'i roti. Apo jagocam diri kaitn tohadap ragi doi' boko urakng Farisi huatan boko urakng Saduki.”

Matius 15:17

Pasti kaitn tohu obai pomakatn minuman inyo mansu' ko dalapm nyao, turutn ko dalapm porut, lalu dibuakan ko jambatn ja'am.

Matius 13:50

Boko molekat paca'an mombuakan urakng inyo jahat ko dalapm api noraka. Di santai sia' paca'an monangis ongko bokorit gigi obai kotakan mondorita'.”

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”