Matius 13:46 - Porjanjian Boharu Torjomahan Baso Dilakng Soari-ari

⁴⁶ Lopas io monomuan mutiara inyo kotakan borogo, io botula' monjual somuo umputnnyo oca' io ulih momboli mutiara nantai.”

Matius 13:46 ပူးပေါင်းရင်းမြစ်များ

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Kolose 2:3

Bayo Sio mo inyo ulih moonji'i kopintar-corodi'an huatan pongotohuan inyo borogo nantai.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Matius 13:44

“Koraja'an Sorugo samo sama'an kodampuan inyo kotakan mahal inyo topondapm di lakau. Ado urakng inyo monomuan kodampuan nantai. Sio kotakng sonang-asau. Obai nantai, io momondapmnyo agi', lalu botula' monjual somuo umputnnyo oca' io ulih momboli lakau nantai.

Wahyu 21:21

Koduo bolas lawakng gerbakngnyo todiri doi' duo bolas mutiara inyo kotakan bosar. Masikng-masikng lawakng dipulah doi' sobigi' mutiara mo! Boko jalatn di kota nantai dipulah doi' omas murni, samo sama'an kaco inyo putih torus.

Galatia 6:14

Apo aku kinyo buhau agatn porbuatan la'apo pan inyo aku labuhan. Aku bayo sonang agatn porbuatan Yesus Kristus. Sio mati di kayu salib pakai' mombuka' jalatn oca' urakng ulih disolamant'an. Sio nantai Tuhatn kito, ia'an kito inyo pocayo ko Sio. Obai nantai, ubonyo aku pan disaliban tohadap somuo hal inyo duniawi. Aku kinyo morogo'i boko hal inyo dirogo'i boko urakng inyo ado di dunia ni'in. Boko urakng inyo ado di dunia ni'in pan kinyo morogo'i boko hal inyo aku rogo'i.

Matius 13:45

Koraja'an Sorugo jam sama'an kisah ni'in. Siku' podagakng bogoyap mutiara inyo boi'.

Matius 13:47

“Koraja'an Sorugo jam samo sama'an kisah ni'in. Boko nolayatn monyingkapan jalo bosar di danau. Jalo nantai bulih bomacapm jonis ikatn.

Wahyu 18:12

ia'an barakng dipulah doi' omas, pira', mutiara ongko batu pormato inyo bukai; barakng doi' koitn lenan, koitn ungu, koitn sutra, ongko koitn mirah; somuo macapm barakng doi' kayu inyo harupm; barakng doi' gadikng, kayu mahal, tombago, bosi, pualam;