Matius 13:37 - Porjanjian Boharu Torjomahan Baso Dilakng Soari-ari

³⁷ Timbas Yesus, “Potani inyo moabur monggambaran Ana' Monsio.

Matius 13:37 ပူးပေါင်းရင်းမြစ်များ

Matius 10:40

“Aman kaitn monorima' siku' nabi obai nabi nantai monyampaian posatn Allah, kaitn paca'an monorima' upah inyo samo sama'an inyo dionju' ko siku' urakng nabi. Aman kaitn monorima' urakng bondar obai io molabuhan inyo bondar dihadapan Allah, kaitn paca'an monorima' upah inyo samo sama'an inyo dionju' ko urakng bondar. Jadi, sotiap urakng inyo monorima' kaitn, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.

Matius 13:24

Yesus monyampaian poumpamoan inyo bukai agi' ko sia'. Kato-Nyo, “Koraja'an Sorugo diumpamoan samo sama'an kisah ni'in. Ado siku' potani inyo moabur bonih gandupm inyo boi' di lakaunyo.

Matius 13:27

Jadi, boko hulutn datakng ko potani nantai. Kato sia', ‘Pasti Duatn moabur bonih inyo boi' di lakau duatn. Jadi, solalakng nantai doi' mono?’

Matius 13:4

Timpu io tongahan moabur, ado bonih inyo jatu' di jalatn. Boko burukng datakng lalu momua'inyo sampai habis.

Matius 13:41

Ana' Monsio paca'an monyiuh boko molekat-Nyo. Sia' paca'an mongumpulan somuo hal inyo monyobab'an monsio bulah dosa ongko boko urakng inyo molabuhan kojahatan. Boko molekat nantai paca'an mongoluaran somuo inyo jahat nantai doi' Koraja'an-Nyo,

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Lukas 10:16

Lalu Yesus bopandir agi' ko sia' tujuh puluh murid inyo diutus tontai, “Urakng inyo mondingaꞌan kaitn, samo sama'an mondingaꞌan Aku siku'. Urakng inyo monula' kaitn, samo sama'an monula' Aku siku'. Urakng inyo monula' Aku, samo sama'an monula' Allah inyo moutus Aku.”

Yohanes 13:20

Pondinga'an bobondarcam! La'apo inyo Ku pandiran ni'in: Sotiap urakng inyo monorima' urakng inyo Ku utus, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.”

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Roma 15:18

Aku co borani bopandir momuji diriku mongona'i lapo ja' inyo bukai, bayo mongona'i lapo inyo Kristus kona'an ko aku pakai' molabuhannyo. Ia'an nantai, Sio momakai aku pakai' mombimbikng boko urakng inyo bukainyo urakng Yahudi oca' sia' monjadi taat ko Allah. Sio momakai pomandiranku ongko porbuatanku pakai' molabuhan nantai.

Ibrani 1:1

Ija' joman komai mo, Allah bopandir ko angki-bayatn kito molalu'i boko nabi. Allah bopandir nanam-konanam ko sia' agatn bomacapm caro.

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.