Matius 13:3 - Porjanjian Boharu Torjomahan Baso Dilakng Soari-ari

³ Lalu Yesus mongajar banya' hal ko sia' agatn momakai poumpamoan. Kato-Nyo, “Ado siku' potani botula' pakai' moabur bonih.

Matius 13:3 ပူးပေါင်းရင်းမြစ်များ

Matius 13:4

Timpu io tongahan moabur, ado bonih inyo jatu' di jalatn. Boko burukng datakng lalu momua'inyo sampai habis.

Matius 13:53

Lopas Yesus jadi mongisahan boko poumpamoan nantai, Sio moninggalan tompat nantai.

Matius 22:1

Lalu Yesus monyampaian poumpamoan agi' ko sia'.

Matius 24:32

“Bolajarcam doi' contoh ni'in mongona'i kayu ara. Aman boko ranggaunyo monjadi gomunt huatan mula'i botunas, kaitn tohu obai musipm komarau udah dampikam.

Markus 12:1

Lopasnyo Yesus bopandir ko sia' momakai poumpamoan. KatoNyo, “Ado urakng inyo mombulah kobutn anggur. Io mombulah pagar sokolilikngnyo, mongali lubakng tompat momoyah buah anggur nantai, ongko moninjakan monara jam oca' kobutn nantai dapat dijago'i. Lopasnyo, io monyewaan kobutn nantai ko boko potani, lalu borangkat ko nogori bukai.

Markus 12:12

Boko pomimpitn agama udah mongoroti masud doi' poumpamoan Yesus nantai. Poumpamoan nantai monyalahan sia'. Jadi sia' honda' monangkap Sio. Apo watu nantai sia' kinyo ulih obai sia' gola' agatn urakng banya'. Jadi, sia' botula' moninggalan Sio.

Markus 3:23

Apo Yesus moningkau sia', lalu bopandir ko sia' agatn momakai boboropo poumpamoan. Kato-Nyo, “Co mungkitn rajo sitatn monundukng rajo sitatn inyo bukai!

Markus 4:13

Lalu Yesus bopandir ko sia', “Aman kaitn co mongoroti poumpamoan nantai, ubo apo kaitn ulih mongoroti somuo poumpamoan inyo bukai?

Markus 4:33

Ubo nian am Yesus mongajar urakng agatn momakai banya' poumpamoan sama'an nantai, sosuai agatn komampuan sia' pakai' mongoroti.

Lukas 12:41

Kato Rasul Petrus, “Tuhatn, pongajaran Duatn doi' poumpamoan nantai pakai' somuo urakng kata'an bayo pakai' koi, murid Duatn?”

Lukas 8:10

Timbas Yesus, “Ko kaitn udah dionji'i komampuan pakai' mongoroti mongonaꞌi Koraja'an Allah inyo bolupm dikotohu'i urakng bukai. Apo ko boko urakng bukai, Aku mongajar agatn poumpamoan, oca' biar pan sia' borotian apo co bondar-bondar moniant, sia' mondingaꞌ apo sia' co mongoroti.

Yohanes 16:25

Aku momadahan somuonyo nantai ko kaitn momakai poumpamoan. Apo nononyo Aku co ija' momadahannyo ko kaitn momakai poumpamoan. Aku paca'an momandiran torus-torakng ko kaitn mongona'i Allah Bopai-Ku.