Matius 13:25 - Porjanjian Boharu Torjomahan Baso Dilakng Soari-ari

²⁵ Apo watu boko urakng tidu', datakng musuh potani nantai. Musuhnyo moabur bonih solalakng di antaro bonih gandupm nantai. Lalu io botula'.

Matius 13:25 ပူးပေါင်းရင်းမြစ်များ

Matius 13:24

Yesus monyampaian poumpamoan inyo bukai agi' ko sia'. Kato-Nyo, “Koraja'an Sorugo diumpamoan samo sama'an kisah ni'in. Ado siku' potani inyo moabur bonih gandupm inyo boi' di lakaunyo.

Matius 13:26

Watu gandupm nantai tumbuh, mula'i bobigi', kotiat'an jam solalakng nantai.

Matius 13:27

Jadi, boko hulutn datakng ko potani nantai. Kato sia', ‘Pasti Duatn moabur bonih inyo boi' di lakau duatn. Jadi, solalakng nantai doi' mono?’

Matius 13:29

Apo io bopandir, ‘Jangan moncabut solalakng nantai watu ni'in. Aman kaitn molabuhan nantai, pasti ado gandupm inyo tuyut tocabut.

Matius 13:30

Biaram gandupm ongko solalakng nantai tumbuh sosamo sampai watu mohanyi. Timpu nantaiam, aku paca'an bopandir ko boko urakng inyo bohanyi: Kumpulan ja'am somuo solalakng nantai. Lalu dikobat solalakng nantai pakai' dicucul. Lopas nian hoyu' mongumpulan somuo gandupm nantai ko dalapm jurukngku.’ ”

Matius 13:39

Musuh inyo moabur bonih solalakng nantai monggambaran Rajo Sitatn. Watu bohanyi nantai monggambaran ahir joman. Ongko boko urakng bohanyi nantai monggambaran boko molekat.

Matius 25:5

Obai pongantitn lolaki manah kinyo datakng, jadi somuo botina' daro nantai mongantu' lalu toidu'.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

1 Petrus 5:8

Apo kaitn gola' hala mongondalian diri kaitn, huatan hala bojojago. Rajo Sitatn nan musuh kaitn. Sitatn honda' mohancuran kopocaya'an kaitn. Sitatn nan samo sama'an singa inyo mondorah, bojalatn kolilikng-kolimbat bogoyap urakng inyo ulih ditolatnnyo.

2 Petrus 2:1

Apo, pado joman komai ado boko nabi palsu jam di antaro boko urakng inyo pocayo ko Allah. Samo sama'an nantai, di antaro kaitn paca'an ado boko guru palsu. Sia' paca'an monipu urakng agatn boko ajaran salah inyo mombonasoan urakng. Malah sia' paca'an monyangkal Tuhatn Yesus inyo bokuaso atas sia', padohal Sio inyo udah monobus oca' sia' dapat dibebasan doi' hukupan dosa sia'. Obai porbuatan sia' siku' nantai, jadi sia' paca'an copat bonaso.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 13:14

Io mombulah boko tando nantai di pohadapan mato bonatakng inyo potamo. Agatn boko tando nantai, io monyosat'an boko urakng inyo bodiapm di bumi. Io monyiuh sia' pakai' moninjakan lompatukng dalapm rupo bonatakng inyo potamo, bonatakng inyo udah diluko'i podakng apo hidup.

Wahyu 2:20

Apo, Aku moolikan kaitn mongona'i hal ni'in: Kaitn mombiaran botina' nantai, Izebel, monyosat'an umant-Ku. Io mongaku' dirinyo nabi, apo io udah monipu boko hulutn-Ku. Io mongajar oca' sia' bulah dosa bomporajoan, ongko oca' sia' makatn dagikng doi' bonatakng inyo diposombahan ko songiang-duato.