Matius 13:12 - Porjanjian Boharu Torjomahan Baso Dilakng Soari-ari

¹² Obai, urakng inyo udah ado, paca'an dionji'i lobih banya' agi'. Apo urakng inyo conyiant, la'apo inyo ado di io paca'an dikuti'an doi'nyo.

Matius 13:12 ပူးပေါင်းရင်းမြစ်များ

Matius 21:43

Lalu Yesus bopandir, “Jadi, pondinga'ancam ni'in: Hak kaitn pakai' monjadi anggota Koraja'an Allah paca'an dikuti' doi' kaitn. Hak nantai paca'an dionju' ko banso inyo sotia molabuhan kohonda' Allah. [

Matius 25:29

Obai, urakng inyo udah ado, paca'an dionji'i lobih banya' agi' sampai bolimpah. Apo urakng inyo co nyiant, la'apo inyo ado di io pan paca'an dikuti' doi'nyo.

Markus 12:9

Lopasnyo Yesus botakutn ko sia', “Watu ni'in, la'apo inyo tajahan dilabuhan puku' kobutn nantai? Pasti io tajahan datakng lalu mombonasoan boko potani ponyewa nantai. Lopas nantai io tajahan mompocayoan kobutn anggur nantai ko boko urakng bukai.

Lukas 10:42

Apo bayo sobuti' mo inyo bondar-bondar pontikng. Somadikan kolai udah momilih hal inyo toboi' nantai, mondingaꞌan boko ajaran-Ku. Hal nantai kinyo paca'an dikuti' doi' io.”

Lukas 12:48

Apo hulutn inyo kinyo mongotohu'i kohonda' habakngnyo, aman io molabuhan lou' inyo salah sampai gola' dihukupm, apo hukupan io kinyo borat. Aman Allah moonji'i banya' ko siku' urakng, Sio pan paca'an monuntut banya' doi' urakng nantai. Aman Allah moonji'i banyaꞌ tanggukng-jawab ko siku' urakng, Sio pan paca'an monuntut lobih banyaꞌ agi' doi' urakng nantai.”

Lukas 16:2

Jadi urakng dampu nantai moningkau bendahara nantai. Katonyo, ‘Aku udah mondinga' borito inyo jahat mongona'i pokoroja'an kolai! Kolai paca'an ku tongga'an ongko kolai gola' moonji'i laporan ahir mongonaꞌi kodampuanku inyo kolai urus.’

Lukas 16:25

Apo Abrahapm bopandir, ‘Ana'ku, ingant watu di dunia, kolai monorima' hidup inyo boonsu'an apo Lazarus monorima' hidup inyo ajab sonsaro. Ni'in, io sonang apo kolai ajab sonsaro.

Lukas 8:18

Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

Lukas 9:26

Samo jam urakng inyo malu tuyut Aku huatan pongajaran-Ku. Ana' Monsio paca'an monula' urakng nantai watu Io datakng bobali' doi' sorugo agatn bisi kuaso Allah Bopai. Io bobali' doi' sorugo diiriki boko molekat suci.

Yakobus 4:6

Apo Allah udah monunju'an koboi'an-Nyo ko kito. Hal nantai sosuai agatn tulisan ni'in dalapm Buku Suci, “Allah bonci' agatn urakng inyo buhau. Apo Sio monunju'an koboi'an-Nyo ko urakng inyo rondah hati.”

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.