Matius 12:7 - Porjanjian Boharu Torjomahan Baso Dilakng Soari-ari

⁷ Dalapm Buku Suci ado totulis pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' agatn urakng bukai.’ Soumpamonyo kaitn mongoroti masud pomandiran Allah nantai, pasti kaitn kinyo monyalahan boko urakng kinyo bosalah.

Matius 12:7 ပူးပေါင်းရင်းမြစ်များ

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

Matius 9:13

Jadi, botula' huatan polajaricam masud doi' pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' ko urakng bukai.’ Obai, Aku datakng kinyo pakai' moningkau sia' inyo moanggap dirinyo bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

Markus 12:33

Memang monsio gola' mongasihi Sio agatn sogonap hatinyo, sogonap pikirannyo, sogonap kokuatannyo. Monsio pan gola' mongasihi sosamonyo samo sama'an io mongasihi dirinyo siku'. Koduo porintah nantai lobih pontikng doi' bonatakng posombahan inyo dicucul ongko somuo posombahan inyo bukainyo.”

Kisah Boko Rasul 13:27

Joman komai, boko nabi udah monulis mongona'i Rajo Inyo Dijanjian Allah. Watu ni'in, sotiap Ari Sabat, boko buku nabi nantai dibacoan di boko rumah sombayakng. Apo boko urakng Yerusalem kinyo mongoroti pomandiran boko nabi nantai. Sia' kinyo mongotohu'i Yesus nantai Rajo Inyo Dijanjian Allah. Boko pomimpitn agama sia' pan kinyo tohu. Sia' molawatn Yesus. Sia' samo sokali conyiant alasan pakai' mohukupm Yesus. Apo sia' totap monyosahan Gubernur Pilatus oca' Yesus dihukupm mati. Somuo porbuatan sia' nantai bulah pomandiran boko nabi doi' joman komai monjadi bondar-bondar tojadi.

Yakobus 5:6

Kaitn udah mohukupm huatan mombunuh urakng inyo co bosalah huatan urakng nantai kinyo molawatn kaitn.