Matius 12:46 - Porjanjian Boharu Torjomahan Baso Dilakng Soari-ari

⁴⁶ Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.

Matius 12:46 ပူးပေါင်းရင်းမြစ်များ

Matius 1:18

Kolahiran Yesus Kristus, Rajo Inyo Dijanjian Allah nantai, tojadi dinga' ni'in: Maria nantaiam indai Yesus. Sobolupm nantai, io botunangan agatn Yusuf. Apo sobolupm sia' kawitn, ruponyo Maria udah buntikan. Nantai tojadi obai kuaso Roh Allah.

Matius 12:47

Jadi, ado urakng momadahan ko Sio, “Indai Duatn agatn boko somadikan Duatn ado di luar, honda' botomu agatn Duatn.”

Matius 13:55

Padohal, Sio ongkah urakng biaso mo. Sio ninam ana' doi' urakng tukakng kayu. Indai-Nyo bodamoan Maria. Boko somadikan-Nyo ia'an Yakobus, Yusuf, Simon ongko Yudas.

Matius 2:11

Sia' mansu' ko dalapm rumah nantai ongko moniant Bobia' nantai bosamo agatn Maria, indai-Nyo. Sia' monyungkapan monyombah Bobia' nantai, ongko mombuka' poti tompat bando barakng sia'. Sia' moonju' boko posombahan ko Sio, ia'an omas, monyan ongko mur.

Matius 2:20

Kato molekat nantai, “Boko urakng inyo bousaha mombunuh Bobia' nantai udah mati. Jadi huascam, baba' Bobia' nantai agatn indai-Nyo bobali' ko tanah Israel.”

Markus 2:21

Aman baju inyo manah birat, conyiant urakng inyo monumpal baju nantai agatn momakai solamba'i koitn inyo ija' boharu. Obai, koitn inyo ija' boharu tajahan ngorisut lalu birat di baju nantai monjadi lobih bosar.

Lukas 1:43

Sobondarnyo, aku kinyo patut dipobujaki kolai obai ana' inyo di dalapm porut kolai niannan Tuhatnku!

Lukas 2:33

Indai-Bopai bobia' nantai pan hiratn mondingaꞌ lapo inyo dipandiran Simeon mongona'i Ana' sia' nantai.

Lukas 2:34

Ongko Simeon momborokati Maria agatn Yusuf. Huatan io bopandir ko Maria, “Sobondarnyo, Bobia' ni'in udah dipilih Allah, oca' isi hati boko urakng banyaꞌ inyo tobumbutn tajahan kotohuan. Sio monjadi tando pakai' monunju'an kohonda' Allah, sampai banyaꞌ boko urakng Israel monjadi lobih dampikng ko Allah. Apo banyaꞌ jam inyo tajahan molawatn-Nyo. Banyaꞌ urakng Israel paca'an monjouhan diri doi' Allah obai monula' Bobia' ni'in. Ajab sonsaro sampai komatian inyo paca'an dialapi-Nyo tajahan bulah kolai pan bulikng, Maria. Samo ubo podakng inyo monuhu' hati kolai.”

Lukas 2:48

Urakng tuho-Nyo pan tonganga' kali moniant Yesus. Indai-Nyo bopandir ko Io. “Na, jangan ubo nian agatn indai-bopai kolai. Koi duo murakan udah kuatir monggoyapi kolai!”

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Lukas 8:10

Timbas Yesus, “Ko kaitn udah dionji'i komampuan pakai' mongoroti mongonaꞌi Koraja'an Allah inyo bolupm dikotohu'i urakng bukai. Apo ko boko urakng bukai, Aku mongajar agatn poumpamoan, oca' biar pan sia' borotian apo co bondar-bondar moniant, sia' mondingaꞌ apo sia' co mongoroti.

Yohanes 19:25

Indai Yesus bodiritn di dampikng kayu salib-Nyo. Di santai jam bordiritn somadikan indai-Nyo, Maria (bini Klopas), ongko Maria Magdalena.

Yohanes 2:1

Kotigo arinyo, ado pogai kawitn di laman Kana di propinsi Galilea. Indai Yesus ado di santai.

Yohanes 2:12

Lopas jadi nantai, Yesus botula' ko kota Kapernaum bosamo-samo agatn indai-Nyo, boko somadikan-Nyo huatan boko murid-Nyo. Sia' diapm di santai bayo boboropo ari mo.

Yohanes 2:5

Apo indai Yesus bopandir ko boko hulutn di siatn nantai, “Haja' kato labuhan nam la'apo inyo Io padahan ko kaitn.”

Yohanes 7:10

Apo, lopas jadi boko murid-Nyo botula' ko pogai nantai, lalu Sio hingkas jam, apo soi-botapu' oca' boko urakng co mongotohu'i nantai.

Yohanes 7:3

Boko somadikan Yesus bopandir ko Sio, “Botula'cam doi' si'itan. Botula'cam ko Yudea oca' boko murid Duatn ulih moniant boko mujisat inyo Duatn labuhan.

Yohanes 7:5

(Boko somadikan-Nyo bopandir ubo nantai obai sia' pan co pocayo ko Sio.)

Kisah Boko Rasul 1:14

Bosamo agatn sia' ado jam boboropo botina' tomansu' Maria (indai Yesus), ongko boko somadikan Yesus. Sia' somuo opat bokumpul pakai' bodoa. Sia' hala bodoa ongko sohati sopikiran.

1 Korintus 9:5

Rasul Petrus, boko somadikan Tuhatn Yesus, huatan boko rasul bukai mombaba' bini sia' inyo pocayo dalapm pojalatan polayatan sia'. Tontunyo koi pan bohak molabuhan nantai!

Galatia 1:19

Timpu nantai aku co botomu agatn boko rasul inyo bukai kocuali Yakobus, somadikan Tuhatn Yesus.