Matius 12:45 - Porjanjian Boharu Torjomahan Baso Dilakng Soari-ari

⁴⁵ Ongko io botula', botomu agatn tujuh roh bukainyo inyo lobih jahat doi' io. Sia' somuo datakng, mansu' ko dalapm urakng nantai, ongko bodiapm di santai. Koponsuahannyo, koadaan urakng nantai monjadi lobih rusa' doi' inyo asalnyo. Nantaiam jam inyo paca'an tojadi agatn boko urakng jahat joman ni'in.”

Matius 12:45 ပူးပေါင်းရင်းမြစ်များ

Lukas 11:26

Lalu io botula', monomu'i tujuh roh bukai inyo lobih jahat doi' io. Lopas nantai sia' somuo datakng, mansu' ko dalapm urakng nantai, ongko bodiapm di santai. Koponsuahannyo, koadaan urakng nantai monjadi lobih ajab sonsaro doi' somulo.”

Markus 5:9

Yesus botakutn ko urakng nantai, “Sopo damo kolai?” Timbasnyo, “Damoku Legion obai koi kotakan banya' bondar!”

Markus 16:9

Lopas Yesus udah bobali' hidup, kotakan sunsukng watu ari Minggu nantai, potamo Sio moniant'an diri-Nyo ko Maria Magdalena, inyo kalo Sio tundukng tujuh roh jahat doi' bukakng-tubuhnyo.

Ibrani 10:39

Apo kito bukainyo boko urakng inyo mundur ongko bonaso kito ia'an boko urakng inyo pocayo huatan disolamant'an.

Matius 23:24

Uai kaitn boko pomimpitn inyo buto. Kaitn borotian hal inyo kocit apo co borotian hal inyo pontikng. Samo sama'an urakng inyo monyarikng lalat doi' minumannyo, apo io monolatn unta inyo ija' ado di dalapmnyo!

Matius 12:24

Boboropo pomimpitn agama Yahudi doi' kolompok Farisi mondinga' nantai. Apo sia' bopandir, “Io monundukng boko roh jahat momakai kuaso Rajo Sitatn!”

Efesus 6:12

Obai kito boparakng bukatnnyo molawatn monsio apo molawatn somuo macapm kuaso golap di dunia ni'in, huatan molawatn somuo boko roh jahat di awakng-awakng.

Matius 23:15

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn bojalatn jouh-jouh bogoyap siku' urakng inyo ulih dipongaruhi oca' io pocayo mansu' agama kaitn. Lopas jadi io mansu' agama kaitn, lalu kaitn bulah io monjadi urakng inyo paca'an mansu' noraka, io urakng inyo duo kali lipat lobih jahat doi' kaitn.

Matius 12:44

Ongko, io bopandir, ‘Aku bobali' agi' ko urakng inyo udah aku tinggalan!’ Watu io sampai ko urakng nantai, io mondapat'an urakng nantai samo sama'an rumah inyo borosih huatan toatur, apo puakng.

Matius 17:21

Apo roh jahat inyo ubo tontai ulih ditundukng agatn bodoa huatan bopuaso.]”