Matius 12:32 - Porjanjian Boharu Torjomahan Baso Dilakng Soari-ari

³² Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Matius 12:32 ပူးပေါင်းရင်းမြစ်များ

Matius 11:19

Lopas nian Ana' Monsio datakng. Sio makatn, Sio minum, apo sia' bopandir Sio urakng kaha', pomabu', ‘Kawal ponagih pajak huatan urakng bukai inyo bodosa.’ Apo sia' salah obai porbuatan urakng mombutian aman urakng nantai bondar-bondar bisi kopintar-corodi'an doi' Allah kata'an cado.”

Matius 12:31

Jadi, dinga'anbo: Sotiap urakng inyo bodosa damo mohayam, urakng nantai ulih diamputi. Apo urakng inyo mohayam tohadap Roh Allah, urakng nantai kinyo paca'an diamputi.

Matius 12:8

Obai Ana' Monsio ia'an Tuhatn inyo bokuaso tohadap Ari Sabat.”

Matius 13:22

Tanah inyo bisi rado momant nantai monggambaran boko urakng mondinga'an Pomandiran Allah, apo manah komanahannyo, sia' kuatir mongona'i kohidupan di dunia ni'in. Sia' ditipu obai kodampuan lobih pontikng. Somuo hal nantai mohambat sia' sampai co hidup sosuai agatn Pomandiran Allah.

Matius 13:39

Musuh inyo moabur bonih solalakng nantai monggambaran Rajo Sitatn. Watu bohanyi nantai monggambaran ahir joman. Ongko boko urakng bohanyi nantai monggambaran boko molekat.

Matius 13:40

Boko urakng inyo bohanyi nantai paca'an mongumpulan boko solalakng lalu moncuculnyo ko dalapm api. Sama'an nantai jam paca'an tojadi watu ahir joman.

Matius 13:55

Padohal, Sio ongkah urakng biaso mo. Sio ninam ana' doi' urakng tukakng kayu. Indai-Nyo bodamoan Maria. Boko somadikan-Nyo ia'an Yakobus, Yusuf, Simon ongko Yudas.

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Markus 10:30

timpu ni'in jam, somuo urakng nantai paca'an bobali' mondapat'annyo soratus kali lipat: rumah, somadikan, indai, ana', huatan lakau. Sia' pan paca'an didorako'i. Apo, nononyo, sia' paca'an mondapat'an hidup kokal di sorugo.

Markus 3:28

Dinga'ancam! Sotiap urakng inyo bodosa damo mohanyam, urakng nantai ulih diamputi.

Markus 3:29

Apo urakng inyo mohanyam tohadap Roh Allah, urakng nantai tajahan co kalo diamputi. Dosa nantai bulah urakng bosalah somanah-manahnyo.”

Lukas 12:10

Sotiap urakng inyo mongatoan sosuatu inyo molawatn Ana' monsio urakng nantai ulih diamputi. Apo sotiap urakng inyo mohayam mongatoan sosuatu inyo molawatn Roh Allah, urakng nantai kinyo paca'an ulih diamputi.

Lukas 16:8

Lopas nian habakng nantai momuji bendahara inyo kinyo jujur nantai obai io cukup pandai, pakai' bodapat caro hidup lopas jadi ditongga'an.” Lalu Yesus monyimpulan. Kato-Nyo, “Boko urakng inyo jahat cukup pandai tohadap sosamonyo. Sia' lobih pandai daripado boko urakng inyo hidup dalapm torakng.

Lukas 18:30

sia' tajahan mondapat'an agi' doi' Allah jouh lobih banyaꞌ di dunia joman ni'in. Sia' pan paca'an mondapat'an hidup kokal di sorugo pado joman inyo tajahan datakng.”

Lukas 23:34

Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

Lukas 7:34

Lopas nian Ana' Monsio datakng. Io makatn, minum, ongko sia' bopandir Io kaha', pomabu', kawal ponagih pajak ongko urakng bukai inyo bodosa.

Yohanes 7:12

Boko urakng mula'i boko bongkucapan mongona'i Sio. Ado inyo bopandir, “Sio urakng boi' hati.” Apo inyo bukai bopandir, “Sio kinyo boi'! Sio monyosat'an boko urakng.”

Yohanes 7:39

(Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Efesus 1:21

Sio mombulah Kristus lobih bokuaso doi' somuo kuaso bukai, ia'an somuo pomimpitn, somuo pomorintahan, somuo rajo, somuo urakng pontikng. Kristus lobih bokuaso doi' somuonyo bukainyo bayo watu di dunia ni'in, apo pakai' somanah-manahnyo jam.

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

Titus 2:12

Agatn caro nantai, Allah mongajar kito oca' kito botongga' molabuhan boko hal inyo kinyo monyonangan Sio, ongko oca' kito botongga' jumpat kohonda' jahat dunia ni'in. Sio mongajar kito oca' kito mampu monahan diri kito, oca' kito hidup agatn caro inyo bondar di hadapan Sio, ongko oca' kito hidup sosuai agatn kohonda' Sio. Kito bolajar caro hidup sama'an nantai watu joman ni'in,

Yakobus 1:27

Apo ninam sombayakng inyo monyonangan Allah Bopai kito. Ia'an io borotian pondorita'an boko bobia' kumang ongko boko urakng balu janda, lalu monulukng sia'. Io pan monjago diri oca' boko hal jahat di dunia ni'in kinyo mompongaruhi io.