Matius 12:31 - Porjanjian Boharu Torjomahan Baso Dilakng Soari-ari

³¹ Jadi, dinga'anbo: Sotiap urakng inyo bodosa damo mohayam, urakng nantai ulih diamputi. Apo urakng inyo mohayam tohadap Roh Allah, urakng nantai kinyo paca'an diamputi.

Matius 12:31 ပူးပေါင်းရင်းမြစ်များ

Lukas 12:10

Sotiap urakng inyo mongatoan sosuatu inyo molawatn Ana' monsio urakng nantai ulih diamputi. Apo sotiap urakng inyo mohayam mongatoan sosuatu inyo molawatn Roh Allah, urakng nantai kinyo paca'an ulih diamputi.

Kisah Boko Rasul 7:51

Ongko Stefanus bopandir, “Kaitn ni'in koras kopala'! Hati kaitn co honda' pocayo ko Allah! Kolindakan kaitn co honda' mondinga' pomandiran Sio! Kaitn hala molawatn Roh Allah sama'an ubo angki-bayatn kaitn!

Ibrani 10:26

Obai, aman kito songajo bulah dosa lopas kito monorima' ajaran inyo bondar, jadi conyiant kurbatn posombahan agi' inyo ulih mohapus dosa nantai.

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

Ibrani 6:4

Obai, boko urakng inyo kalo hidup dalapm torakng, kalo monorima' borokat doi' Allah, kalo monorima' Roh Allah,

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.

1 Yohanes 5:16

Aman ado di antaro kaitn inyo moniant somadikannyo bulah dosa, masudku ubo dosa inyo kinyo bulah io bosongkayo doi' Allah somanah-manahnyo, kaitn gola' bodoa pakai' io, lalu Allah tajahan moonji'i kohidupan inyo kokal ko urakng inyo bulah dosa inyo kinyo bulah io bosongkayo doi' Allah somanah-manahnyo. Apo ado dosa inyo tajahan bulah io bosongkayo doi' Allah somanah-manahnyo. Aku co momadahan obai kaitn gola' bodoa pakai' urakng inyo bulah dosa ubo nantai.