Matius 12:27 - Porjanjian Boharu Torjomahan Baso Dilakng Soari-ari

²⁷ Apotolagi', soumpamonyo Aku monundukng roh jahat momakai kuaso Rajo Sitatn, rotinyo boko pongikut kaitn monundukng roh jahat agatn kuaso Rajo Sitatn jam. Boko pongikut kaitn siku' paca'an mongatoan nantai salah!

Matius 12:27 ပူးပေါင်းရင်းမြစ်များ

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Matius 9:34

Apo boko pomimpitn agama Yahudi doi' kolompok Farisi bopandir, “Sio monundukng boko roh jahat momakai kuaso Rajo Sitatn!”

Lukas 11:19

Jadi soandainyo Aku monundukng roh jahat momakai kuaso Rajo Sitatn, agatn kuaso apobai boko pongikut kaitn monundukng roh jahat? Boko pongikut kaitn siku' paca'an mongatoan nantai salah!

Lukas 19:22

Lalu, habakng nantai bopandir, ‘Kolai hulutn inyo jahat! Aku tajahan mohukupm kolai sosuai agatn pomandiran kolai nantai. Kolai mongatoan aku urakng inyo kojapm. Aku monguti' la'apo inyo sobondarnyo kinyo umputnku. Aku bodapat untukng doi' pogota'an urakng bukai samo samaꞌan urakng inyo monguti' hasil lakau doi' lakau inyo kinyo io tanam.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.