Matius 12:18 - Porjanjian Boharu Torjomahan Baso Dilakng Soari-ari

¹⁸ “Ninam Urakng inyo molayati Aku. Aku udah momilih Sio. Aku mongasihi Sio. Sio monyonangan hati-Ku. Aku paca'an moonji'i Roh-Ku ko Sio. Huatan Sio paca'an momboritoan ko somuo banso obai Aku paca'an molabuhan koadilan.

Matius 12:18 ပူးပေါင်းရင်းမြစ်များ

Matius 12:17

Kojadian nantai tojadi oca' pomandiran Allah monjadi nyata. Timpu joman komai Nabi Yesaya monulis pomandiran Allah nantai dinga' ni'innan:

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Markus 1:11

Lalu kodinga'an saro Allah doi' sorugo momadahan, “Kolainam Ana'-Ku inyo Ku kasihi. Kolainam monyonangan hati-Ku.”

Markus 9:7

Lopas nantai, ado awatn datakng monungkau'i sia'. Ongko Allah bopandir doi' dalapm awatn nantai, “Ninam Ana'-Ku inyo kotakng kokidah Ku. Pondinga'ancam Io!”

Lukas 23:35

Urakng banyaꞌ bodiritn di santai moniant la'apo inyo tojadi. Boko pomimpitn urakng Yahudi boulu'an Yesus. Kato sia', “Aman Urakng ni'in bondar-bondar Rajo Inyo Dijanjian Allah, Urakng Inyo Dipilih Allah sampai Sio ulih monyolamant'an urakng bukai, biaram Sio ni'in monyolamant'an diri-Nyo siku' jam.”

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Lukas 9:35

Allah bopandir doi' dalapm awatn nantai, “Ninam Ana'-Ku inyo Ku pilih. Dinga'an cam Pomandiran-Nyo!”

Yohanes 3:34

Obai urakng inyo diutus Allah monyampaian boko pomandiran Allah, obai Roh Allah udah dionju' ko Sio soponuhnyo.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Efesus 1:6

Sio molabuhan nantai oca' kito momuji kasih karunia-Nyo inyo Sio tunju'an ko kito, ia'an molalu'i la'apo inyo dilabuhan ulih Ana'-Nyo inyo dikasihi-Nyo.

Kolose 1:1

Boko somadikan umant Allah di kota Kolose inyo sotia pocayo ko Kristus. Doi' aku, Paulus. Aku ditingkau pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito jam. Aku bodoa oca' Allah Bopai kito monunju'an koboi'an huatan moonji'i sonang-asau ko kaitn.

Kolose 1:13

Komai, kito di babah kuaso jahat. Apo Sio molopasan kito doi' nantai. Sio bulah kito monjadi anggota dalapm Koraja'an Ana'-Nyo inyo Sio kasihi.

1 Petrus 2:4

Jadi, datakng cam ko Tuhatn, Yesus Kristus. Sio samo sama'an batu inyo hidup. Sio nantai ditula' ulih boko urakng inyo moanggap Sio nantai kinyo pontikng. Apo Sio nantai dipilih Allah inyo moanggap Sio nantai kotakan borogo.

2 Petrus 1:17

Koi ado bosamo agatn Sio di pucu' bukit inyo suci. Watu Allah Bopai-Nyo mohormati ongko momuliaan Sio. Allah inyo kotakan Bokuaso mongatoan, “Ninam Ana'-Ku inyo Ku kasihi. Io monyonangan hati-Ku.” Koi siku' mondinga' saro Allah doi' sorugo nantai.