Matius 12:14 - Porjanjian Boharu Torjomahan Baso Dilakng Soari-ari

¹⁴ Apo boko urakng Farisi nantai koluar ongko bulah gogadatn pakai' mombunuh Yesus.

Matius 12:14 ပူးပေါင်းရင်းမြစ်များ

Matius 26:4

Sia' mohoupan poroncana'an oca' ulih monangkap Yesus socaro diapm-diapm lalu mombunuh Sio.

Matius 27:1

Sunsukng-pukau, boko imam kopala' agatn boko pomimpitn banso Yahudi bulah koputusan oca' Yesus dihukupm mati.

Markus 14:1

Boko imam kopala' ongko boko guru agama Yahudi honda' mombunuh Yesus. Sia' bogoyap caro pakai' monangkap Sio agatn caro kinyo dikotohu'i urakng. Apo, duo ari agi' ari Rayo Paskah huatan ari rayo Roti kinyo Boragi dampikng am.

Markus 3:6

Jadi, boko urakng Farisi koluar, copat bohoupm agatn boko urakng inyo mondukukng Rajo Herodes. Bosamo-samo sia' bohajat pakai' mombunuh Yesus.

Lukas 22:2

Boko imam kopala' huatan boko guru agama Yahudi tongahan bogoyap caro pakai' mombunuh Yesus socaro bototapu'. Sia' gola' tajahan tojadi sosuatu hal aman ado banyaꞌ urakng watu sia' monangkap Sio.

Lukas 6:11

Moniant kojadian nantai boko guru agama Yahudi ongko urakng Farisi kotakan godi. Ongko sia' bohoupm la'apo inyo gola' sia' labuhan ko Yesus.

Yohanes 10:31

Pas boko urakng Yahudi mondinga' pandir Yesus bunyi nantai, sokali agi' boko urakng Yahudi ngopil boko batu pakai' monikapm Yesus.

Yohanes 10:39

Lopas jadi Yesus mongatoan nantai, sia' bousaha agi' monangkap Sio. Apo Sio lopas doi' jari sia'.

Yohanes 11:53

Jadi, mula'i ari nantai boko pomimpitn urakng Yahudi sopakat pakai' mombunuh Yesus.

Yohanes 11:57

Watu nantai, boko imam kopala' huatan boko urakng Farisi udah mongoluaran porintah ni'in: Aman ado urakng inyo mongotohu'i di mono Yesus boado, urakng nian gola' molaporannyo agatn sia', oca' sia' ulih monangkap Yesus.

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Yohanes 7:32

Boboropo pomimpitn agama Yahudi doi' kolompok Farisi mondinga' urakng banya' nantai bongkucapan mongona'i Yesus. Jadi, sia' bosamo-samo agatn boko imam kopala' monyiuh boboropo ponjago Rumah Allah oca' botula' monangkap Yesus.

Yohanes 7:44

Boboropo urakng honda' monangkap Sio, apo conyiant siku' urakng pan inyo ulih moncama'-Nyo.

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.