Matius 12:12 - Porjanjian Boharu Torjomahan Baso Dilakng Soari-ari

¹² Nah, pasti monsio jouh lobih borogo daripado domba. Obai nantai, kito ulih bulah koboi'an watu Ari Sabat.”

Matius 12:12 ပူးပေါင်းရင်းမြစ်များ

Matius 6:26

Porotiancam boko burukng inyo trobakng. Sia' kinyo botanam-bocuba', huatan kinyo bohanyi di lakau. Sia' kinyo monyimpatn pomakatn dalapm jurukng. Apo Allah Bopai kaitn di sorugo moonji'i pomakatn oca' sia' ulih hidup. Pasti kaitn jouh lobih borogo daripado boko burukng nantai!

Markus 3:4

Lalu, Yesus bopandir ko sia', “Lapo inyo ulih kito labuhan watu ari Sabat, bulah koboi'an kata'an bulah kojahatan; monyolamant'an urakng kata'an mombunuhnyo?” Apo sia' langunt mo.

Lukas 12:24

Bolajarcam doi' boko burukng dondakng. Sia' kinyo monanam, kinyo bohanyi. Sia' conyiant godukng damo jurukng. Apo Allah monyodia'an pomakatn oca' sia' ulih hidup. Pasti kaitn jouh lobih borogo daripado boko burukng!

Lukas 14:1

Timpu Ari Sabat, Yesus makatn sosamo agatn boboropo urakng guru agama Yahudi huatan boboropo urakng pomimpitn agama doi' kolompok Farisi. Sia' makatn di rumah salah siku' urakng pontikng doi' kolompok Farisi nantai. Somuo urakng Farisi ongko guru inyo ado di santai borotian Yesus agatn toliti, pakai' bogoyap kosalahan-Nyo.

Lukas 6:9

Yesus bopandir agatn sia' nantai, “Aku honda' botakutn ko kaitn: La'apo inyo ulih kito korojoan timpu Ari Sabat? Bulah koboi'an ai kata'an bulah kojahatan. Monyolamant'an urakng kata'an mombonasoannyo?”