Matius 11:7 - Porjanjian Boharu Torjomahan Baso Dilakng Soari-ari

⁷ Lopas koduo murid Yohanes nantai botula', Yesus mula'i monjolasan ko urakng banya' mongona'i sopo Yohanes sobondarnyo. Kato Yesus, “Timpu Yohanes bodiapm di padakng pasir, kaitn botula' ko su'utn pakai' moniant la'apo? Pasti kinyo bayo honda' moniant solamba'i rumput inyo boguyakng ditiup angin, pan? Obai rumput kinyo pontikng.

Matius 11:7 ပူးပေါင်းရင်းမြစ်များ

Matius 11:8

Jadi, kaitn botula' ko su'utn pakai' moniant la'apo? Pasti kinyo pakai' moniant urakng inyo bopakaian mahal. Urakng inyo bopakaian mahal bodiapm dalapm istana bukainyo di padakng pasir.

Matius 12:20

Io kinyo momutusan buluh inyo lokus; huatan kinyo moniup pompolitoan inyo honda' buta'. Io kinyo botongga' sampai koadilan monang.

Matius 21:25

Ni'in Aku botakutn: Sopo inyo moonji'i kuaso ko Yohanes pakai' mombaptis? Allah kata'an monsio ai?” Jadi, sia' bohoupm goyap jawabannyo di antaro sia'. Kato sia', “Aman kito bopandir, ‘Allah inyo moonji'i kuaso nantai ko Yohanes’, Yesus paca'an monogur kito obai kito co pocayo agatn Yohanes.

Matius 3:5

Banya' urakng datakng ko io doi' somuo doerah Yudea, tomansu' kota Yerusalem huatan somuo doerah sokitar sungai Yordan.

Lukas 8:18

Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

Yohanes 1:38

Yesus mongilikng ko bolikat, moniant sia' tuyut Sio. Kato-Nyo ko sia', “Kaitn bogoyap la'apo?” Kato sia' ko Sio, “Rabi, Duatn diapm di mono?” ‘Rabi’ rotinyo ‘Guru’.

Yohanes 5:35

Yohanes samo sama'an pompolitoan inyo bonyalo huatan bocohayo. Kaitn sonang monorima' cohayonyo nantai apo bayo somontaro mo.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Yakobus 1:6

Apo, watu io mominto, io bondar-bondar pocayo obai Allah honda' monulukng io. Kobola'i Sio culih gangga'-gua'an. Obai, urakng inyo gangga'-gua'an samo sama'an golumbakng lout. Kadakng angin moniup golumbakng nantai ko arah si'itn, kadakng ko arah su'utan.