Matius 11:5 - Porjanjian Boharu Torjomahan Baso Dilakng Soari-ari

⁵ Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Matius 11:5 ပူးပေါင်းရင်းမြစ်များ

Matius 10:8

Nyamanicam urakng sakit. Pulahcam urakng mati bobali' hidup. Nyamanicam urakng inyo boponyakit kulit inyo bogola'i. Tundukngcam boko roh jahat. Kaitn udah monorima' borokat apo co bobayar. Ongko kaitn pan gola' moonji'i ko urakng bukai agatn co dibayar.

Matius 11:4

Yesus monimbas sia', “Bobali' kaitn ko Yohanes. Padahan ko io mongona'i somuo inyo udah kaitn tiat huatan dinga'.

Matius 12:13

Ongko, kato Sio ko urakng inyo longannyo mati sopia' nantai, “Uluran longan kolai!” Timpu urakng nantai mouluran longannyo, io nyamanam. Longannyo monjadi sehat samo agatn longan inyo sopia'nyo.

Matius 21:14

Lalu, banya' urakng buto ongko urakng timpakng datakng ko Yesus di tongahlamanan Rumah Allah nantai. Sio monyamani sia'.

Matius 5:3

“Diborokaticam urakng inyo jaro di hadapan Allah, obai sia' nantai anggota koluarga Koraja'an Sorugo!

Matius 9:30

Ongko sia' ulih moniant agi'. Ongko, Yesus morarakng sia' agatn togas. Kato-Nyo, “Jangan bokisah mongona'i ni'in ko sopo pan!”

Markus 7:37

Somuo urakng kotakan hiratn. Kato sia', “Sio molabuhan somuonyo agatn boi'. Sio mombulah urakng tingal ulih mondinga' ongko urakng angko ulih bopandir!”

Markus 9:25

Timpu Yesus moniant mongkitn banya' urakng mula'i datakng bokumpul di santai, Sio momorintah roh jahat nantai agatn koras. Kato-Nyo, “Roh jahat inyo mombulah urakng bisu huatan tingal, Aku monyiuh kolai, koluarcam doi' bobia' ni'in. Jangan tamo ko dalapm io agi'!”

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Yohanes 10:25

Timbas Yesus ko sia', “Aku udah momadahannyo ko kaitn, apo kaitn co pocayo. Aku molabuhan boko pokoroja'an dalapm damo Bopai-Ku. Boko pokoroja'an nantai mombutian mongona'i Aku.

Yohanes 10:38

Apo memang Aku molabuhan boko pokoroja'an Bopai-Ku. Biar pan kaitn co pocayo agatn Aku, palikng cado honda'nyo kaitn pocayo agatn boko pokoroja'an nantai. Agatn ubo nian, kaitn paca'an tohu huatan mongoroti obai Bopai bosatu agatn Aku, huatan Aku bosatu agatn Bopai.”

Yohanes 2:23

Somanah Pogai Paskah nantai dirayoan, Yesus ada'an di Yerusalem. Sio mombulah boko mujisat sobagai tando inyo monunju'an sopo Sio sobondarnyo. Jadi, banya' urakng pocayo ko Sio obai sia' moniant boko mujisat-Nyo nantai.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 9:7

Kato Yesus ko io, “Botula'cam, tapusicam mato-muho kolai di Kolapm Siloam.” (Kato Siloam rotinyo ‘diutus’.) Jadi, urakng nantai hingkasam mombasu'i mato-muhonyo. Watu io bobali', io udah ulih moniant am.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.