Matius 11:28 - Porjanjian Boharu Torjomahan Baso Dilakng Soari-ari

²⁸ Datakngcam ko Aku, somuo kaitn inyo uyuh jorih monanggukng boko kosusahan inyo borat. Aku paca'an moonji'i sonang-nyaman ko kaitn.

Matius 11:28 ပူးပေါင်းရင်းမြစ်များ

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

Matius 23:4

Sia' mongomborati boko urakng agatn banya' poraturan agama inyo uyuh dilabuhan. Apo sia' co honda' monulukng monsio sodikit pan oca' poraturan nantai ulih dilabuhan!

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Yohanes 7:37

Ari toahir doi' pogai Pondu' Doutn nantai udah datakng watunyoam. Nantai ari inyo kotakan pontikng doi' pogai nantai. Di tongahlamanan Rumah Allah, Yesus bodiritn lalu bopandir borakng, “Sopo aja' inyo korahakan, datakng ko Aku pakai' minum!

Kisah Boko Rasul 15:10

Jadi, aman nian kohonda' Allah, jangan molawatn Sio. Jangan momoso boko urakng bukai Yahudi oca' monaati somuo porintah ongko poraturan Allah inyo ditulis Musa dalapm buku Hukupm Torat. Hal nantai samo sama'an momoso sia' pakai' momikul bobatn inyo borat dipikul. Angki-bayatn kito huatan kito siku' pan co mampu molabuhan somuo poraturan nantai.

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.