Matius 11:23 - Porjanjian Boharu Torjomahan Baso Dilakng Soari-ari

²³ Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Matius 11:23 ပူးပေါင်းရင်းမြစ်များ

Matius 10:15

Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Matius 16:18

Dinga'anbo! Kolai ia'an Petrus, inyo rotinyo ‘Bukit Batu’. Di pucu' bukit batu ni'in Aku paca'an mombangun jomaat-Ku huatan kuaso komatian kinyo mampu mongalahan sia'.

Matius 17:24

Yesus ongko boko murid-Nyo botula' ko kota Kapernaum. Di siatn, ado boko ponagih pajak inyo mongumpulan duo pingkai' duit pira' pakai' Rumah Allah. Sia' datakng ko Petrus lalu bopandir, “Guru kaitn jumpat poraturan pakai' mombayar pajak Rumah Allah cado?”

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Matius 8:5

Yesus botula' ko kota Kapernaum. Watu Sio mansu' ko kota nantai, ado siku' urakng powira Romawi inyo datakng minto tulukng ko Sio.

Lukas 10:15

Huatan kaitn di kota Kapernaum samo jam. Jangan bopikir kaitn paca'an dihormati. Jangan bopikir kaitn paca'an mansu' sorugo! Kaitn paca'an dibuakan ko noraka, tompat urakng jahat dihukupm somanah-manahnyo!”

Lukas 14:11

Labuhancam samaꞌan nian, obai Allah tajahan mongombabahan somuo urakng inyo moncubo moninggian diri. Apo, Allah tajahan moninggian somuo urakng inyo mongombabahan diri.”

Lukas 16:23

Urakng dampu nantai mansu' ko noraka. Io kotakng ajab sonsaro. Io monongadah ko pucu', moniant Abrahapm doi' jouh. Io pan moniant Lazarus di totai Abrahapm.

Lukas 4:23

Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Kisah Boko Rasul 2:27

Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

Kisah Boko Rasul 2:31

Jadi, watu Daud monulis ‘Allah co tajahan mombiaran Aku totap mati’ huatan ‘Allah co paca'an mombiaran bangkai-Ku monjadi buru' di pasaran’, sobondarnyo Daud monulis pomandiran Rajo Inyo Dijanjian Allah nantai. Daud udah tohu Allah paca'an bulah Rajo nantai hidup agi' doi' komatian.

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Wahyu 11:8

Bangkai sia' ditinggalan ja'am di jalatn rayo kota bosar, ia'an kota di mono Tuhatn sia' disaliban. (Socaro rohani, kota bosar nantai disobut Sodom ongko Mesir.)

Wahyu 20:13

Lalu lout monyorahan boko urakng mati inyo ado di dalapmnyo pakai' dihakipi. Ubo nian jam Maut ongko Koraja'an Maut monyorahan boko urakng mati inyo ado di dalapmnyo. Somuo sia' dihakipi sosuai agatn porbuatan sia' siku'-monyiku'.

Wahyu 6:8

Lalu aku moniant, ih, ado siku' kuda hijau kuning. Urakng inyo monunggaki kuda nantai bodamoan Maut huatan koraja'an maut tontuyutannyo. Sia' duo dionji'i kuaso pakai' mombunuh soporompat monsio di bumi. Ado inyo dibunuh agatn podakng, agatn kolaparan, doi' poranggapan, ongko molalu'i boko bonatakng ganas di bumi.