Matius 11:21 - Porjanjian Boharu Torjomahan Baso Dilakng Soari-ari

²¹ “Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Matius 11:21 ပူးပေါင်းရင်းမြစ်များ

Matius 11:22

Dinga'anbo! Timpu Ari Ponghakipan Allah nono, hukupan ko kaitn di Khorazim huatan Betsaida paca'an lobih borat daripado hukupan ko boko urakng jahat di Tirus ongko Sidon nantai.

Matius 15:21

Lopas nantai, Yesus moninggalan tompat nantai lalu botula' ko doerah Tirus ongko Sidon.

Matius 18:7

Allah paca'an mohukupm dunia ni'in obai boko hal inyo bulah boko urakng bodosa! Memang boko hal nantai gola' ado, apo Allah paca'an mohukupm sotiap urakng inyo bulah urakng bukai bodosa!

Matius 26:24

Udah totulis dalapm Buku Suci mongona'i Ana' Monsio inyo paca'an dijual ko boko urakng inyo molawatn Sio. Sosuai agatn tulisan nantai, hal nantai paca'an tojadi ko Sio. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Markus 3:8

doi' kota Yerusalem, doi' doerah Idumea, doi' sopia' timur sungai Yordan, doi' doerah sokitar kota Tirus ongko Sidon. Somuo sia' datakng ko Yesus obai sia' mondinga' mongona'i somuo inyo udah Sio labuhan.

Markus 6:45

Lopas nantai, Yesus copat monyiuh boko murid-Nyo jumpat porohu ongko mondoholu'i Sio ko kota Betsaida di soborakng danau. Tongahan nantai, Sio monyiuh urakng banya' nantai pulakng.

Markus 7:24

Lopas nian, Yesus moninggalan tompat nantai ongko botula' ko doerah Tirus. Di santai, Sio mansu' ko sobuah rumah. Sio co honda' urakng bukai tohu obai Sio ado di santai. Apo nantai co mungkitn obai boko urakng mongotohu'i Sio datakng.

Markus 7:31

Lopas nian, Yesus moninggalan doerah Tirus. Sio molalu'i Sidon, ongko molintasi doerah Dekapolis, lalu botula' ko Danau Galilea.

Markus 8:22

Lopas nantai, Yesus agatn boko murid-Nyo datakam di kota Betsaida. Di santai, ado urakng inyo buto. Boko urakng mombaba' io ko Yesus ongko momuhun oca' Yesus moncama'nyo pakai' monyamani io.

Lukas 4:26

Apo Allah monyiuh Elia botula' ko botina' balu inyo bukainyo urakng Israel di laman Sarfat, dampikng kota Sidon.

Lukas 6:17

Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.

Lukas 9:10

Boko rasul Yesus bobali'. Sia' mongisahan ko Sio somuo inyo sia' labuhan timpu bojalatn ko boko laman nantai. Ongko, Yesus botula' bosamo boko rasul-Nyo, monuju ko kota Betsaida, bogoyap tompat inyo langunt oca' bayo ado sia' ja'am.

Yohanes 1:44

(Filipus nantai boasal doi' kota Betsaida, samo sama'an Andreas agatn Petrus.)

Yohanes 12:21

Boko urakng nantai datakng ko Filipus, murid Yesus inyo boasal doi' kota Betsaida di doerah Galilea. Sia' minto ko io, “Bopai, koi honda' botomu agatn Yesus.”

Kisah Boko Rasul 12:20

Timpu nantai, Herodes kotakan godi agatn masrakat di kota Tirus huatan Sidon. Apo sia' kotakan pontikng mondapat pomakatn doi' doerah kokuasa'an Rajo Herodes nantai. Obai nantai, boko urakng doi' koduo kota nantai samo-samo bousaha bodamai agatn io. Timpu Herodes ado di kota Kaisarea, sia' mongiripm boko utusan ko su'utn. Sia' boharap oca' ulih mohadap rajo. Ongko, sia' mongkongkanti'i siku' urakng pojabat rajo pakai' bopihak ko sia'. Damonyo Blastus. Io hulutn gapit kulit rajo Herodes.

Kisah Boko Rasul 27:3

Kohobu'annyo, koi tuntukng di Sidon. Yulius komandatn pasukan nantai boi' hati agatn Paulus. Io moijitan Paulus turutn pakai' monjongu' boko kawalnyo di Sidon. Sia' ulih moonji'i la'apo inyo io pontikan.

Yudas 1:11

Tuhatn paca'an mohukupm sia'! Obai, caro hidup sia' jahat samo sama'an Kain doi' joman komai. Sia' gala' bulah kosalahan oca' sia' dapat duit samo sama'an Bileam. Sia' pan sama'an Korah jam obai sia' momborontak molawatn Allah huatan boko pomimpitn inyo dipilih Allah. Sia' paca'an dibonasoan samo sama'an io jam.

Wahyu 11:3

Apo, paca'an ado duo urakng inyo bosasi mongona'i Aku. Sia' duo paca'an momakai pakai'an bulikng. Aku paca'an moonji'i kuaso ko sia' pakai' monyampaian posatn doi' Aku somanah soribu duo ratus onam puluh ari.”

Wahyu 6:12

Lopasnyo, Ana' Domba nantai mombuka' segel koonam. Watu nian, aku moniant, ih, ado gompa bumi inyo bosar. Matoari monjadi hitapm hiru' sama'an pakai'an urakng tongahan bulikng. Bulatn monjadi mirah sama'an darah.