Matius 11:20 - Porjanjian Boharu Torjomahan Baso Dilakng Soari-ari

²⁰ Yesus bulah kotakng banya' mujisat di boboropo kota di doerah Galilea. Apo boko urakng di boko kota nantai totap kinyo botongga' bulah dosa ongko kinyo monyonangan hati Allah. Jadi Yesus monogur sia' agatn koras. Kato-Nyo,

Matius 11:20 ပူးပေါင်းရင်းမြစ်များ

Matius 12:41

Watu Ari Ponghakipan nononyo, boko urakng Niniwe paca'an bobali' hidup huatan mohakipi boko urakng joman ni'in. Obai, boko urakng Niniwe komai botongga' bulah dosa sia' kali sia' mondinga' borito inyo dibaba' Yunus. Apo di si'itn ado inyo lobih bokuaso daripado Yunus.

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Markus 9:19

Ongko, Yesus bopandir ko sia', “Oi boko urakng inyo kinyo pocayo. Apo ija' manahnyo Aku gola' bosamo agatn kaitn agi'? Boropo manah agi' Aku gola' sabar agatn kaitn! Baba' bobia' nian ko si'itn.”

Kisah Boko Rasul 17:20

Koi udah mondinga' ajaran kolai. Ajaran nantai nongkonyant'i koi. Jadi, koi honda' tohu lobih jolas mongona'i roti ajaran nantai.”

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

Wahyu 16:11

Sia' mohanyam Allah di sorugo obai kompodihan hontapm boko bongka'. Apo sia' totap kinyo honda' botongga' bulah kojahatan.

Wahyu 16:9

Jadi, hangant inyo luar biaso doi' api nantai moloburan monsio. Apo sia' totap mohanyam damo Allah, inyo bokuaso di pucu' boko malopotako nantai. Sia' kinyo botongga' bodosa lalu momuji Sio.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.