Matius 11:12 - Porjanjian Boharu Torjomahan Baso Dilakng Soari-ari

¹² Tangga'i Yohanes Pombaptis momboritoan Kabar Boi' sampai watu ni'in, ado boko urakng inyo monontakng Koraja'an Sorugo. Agatn kokorasan, sia' bousaha mongalahan Koraja'an Sorugo.

Matius 11:12 ပူးပေါင်းရင်းမြစ်များ

Lukas 16:16

Komai urakng bolajar kohonda' Allah doi' boko buku porintah huatan poraturan Allah inyo ditulis Musa dalapm Hukupm Torat. Boko urakng pan bolajar doi' boko buku inyo ditulis boko nabi. Apo, doi' ija' Yohanes Pombaptis mo, borito boi' mongonaꞌi Koraja'an Allah diboritoan, Rajo Inyo Dijanjian Allah udah datakng. Sotiap urakng bousaha koras pakai' mansu' ko dalapm Korajaan-Nyo.

Lukas 13:24

Lalu Yesus monimbas, “Koraja'an Allah soumpamo sobuah rumah agatn lawakng inyo songka'. Bousahacam pakai' mansu' molalu'i lawakng inyo songka' nantai, obai banyaꞌ urakng inyo moncubo mansu', apo bayo sodikit inyo ulih.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Matius 3:15

Apo Yesus monimbas, “Biaram kolai molabuhan nantai dalapm watu ni'in. Obai agatn ubo nanam kito momonuhi somuo hal inyo dikohonda'i Allah.” Jadi, Yohanes monuruti pomandiran Yesus nantai. Io mombaptis Yesus.

Matius 11:11

Jadi poniant'an, obai Yohanes nantai pontikng daripado somuo urakng bukai di dunia ni'in sampai watu ni'in. Apo somuo anggota koluarga Koraja'an Sorugo, tomansu' inyo palikng kinyo pontikng, somuo sia' lobih pontikng daripado Yohanes nantai.

Matius 11:13

Sampai kodatakan Yohanes, somuo nabi huatan Hukupm Torat monyampaian posatn doi' Allah mongona'i boko hal inyo paca'an tojadi.

Yohanes 5:4

Obai, sowatu-watu ado molekat Tuhatn inyo turutn lalu monggolumbakan ara'i di kolapm nantai. Sopo ja' inyo lobih holu mansu' ko dalapm ara'i nantai lopas jadi digolumbaki, lalu urakng nantai nyamanam doi' ponyakit la'apo pan.]