Matius 11:11 - Porjanjian Boharu Torjomahan Baso Dilakng Soari-ari

¹¹ Jadi poniant'an, obai Yohanes nantai pontikng daripado somuo urakng bukai di dunia ni'in sampai watu ni'in. Apo somuo anggota koluarga Koraja'an Sorugo, tomansu' inyo palikng kinyo pontikng, somuo sia' lobih pontikng daripado Yohanes nantai.

Matius 11:11 ပူးပေါင်းရင်းမြစ်များ

Lukas 7:28

Jadi poniant'an, di dunia ni'in conyiant siku' pan inyo lobih pontikng daripado Yohanes. Apo, urakng inyo palikng babah kodudu'annyo dalapm koraja'an Allah lobih pontikng daripado Yohanes.”

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Yohanes 1:15

Yohanes momboritoan mongona'i Sio. Yohanes mondongkakng-mondorah, “Ninam Sio kujiku nantai, ‘Ado Urakng inyo paca'an datakng lopas aku nantai. Sio lobih pontikng doi' aku obai Sio udah ado ija' tangga'i mulonyo, jouh sobolupm aku dilahiran.’ ”

Matius 5:19

Obai nantai, aman ado urakng inyo mohilakan salah sobuti' Hukupm Torat nantai, biar pan porintah nantai dianggap kinyo pontikng, huatan io mongajar urakng bukai jam pakai' mohilakannyo, ongko io paca'an dianggap kinyo pontikng di dalapm Koraja'an Sorugo. Apo aman ado urakng inyo molabuhan somuo porintah Allah huatan mongajar urakng bukai pakai' molabuhannyo, io paca'an dianggap pontikng di dalapm Koraja'an Sorugo.

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Lukas 9:48

Lalu Yesus bopandir ko sia', “Urakng inyo monorima' bobia' kocit ni'in obai Aku, boroti io monorima' Aku jam. Huatan urakng inyo monorima' Aku, monorima' Allah inyo moutus Aku. Obai urakng inyo palikng kocit monurut monsio, sobondarnyo io inyo palikng pontikng monurut Allah.”

1 Petrus 1:10

Boko nabi udah monyolidiki, mongona'i kosolamant'an nantai. Sia' udah momadahannyo doi' komai mo obai Allah tajahan monunju'an koboi'an-Nyo ko kaitn agatn caro monyolamant'an kaitn.

Ibrani 11:40

obai Sio ado hajat inyo lobih boi' pakai' kito. Ia'an nantai sia' monjadi sompurna nononyo pado watu inyo samo agatn kito.

1 Korintus 15:9

Obai, di antaro somuo rasul, aku inyo palikng nyiant pasalnyo. Aku kinyo cucu' disobut rasul, obai komainyo aku mondorako'i boko urakng inyo pocayo ko Yesus.

1 Korintus 6:4

Jadi, aman ado di antaro kaitn inyo bisi pokaro dalapm hidup ni'in, jangan kolai mombaba' pokaro nian ko boko urakng di luar jomaat!

Yohanes 10:41

Boko urakng datakng ko Sio. Kato sia', “Yohanes co bulah sobuti' pan mujisat. Apo, somuo inyo Yohanes pandiran mongona'i Urakng ni'in memang bondar.”

Yohanes 3:30

Sio gola' mongkitn dipontikan, apo aku mongkitn co pontikng.

Yohanes 5:35

Yohanes samo sama'an pompolitoan inyo bonyalo huatan bocohayo. Kaitn sonang monorima' cohayonyo nantai apo bayo somontaro mo.

Yohanes 1:27

Ia'an, Sio inyo datakng lopas aku. Aku sikuꞌ kinyo cucu' pakai' mombuka' tali sandal-Nyo.”

Yohanes 7:39

(Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

2 Timotius 1:10

Watu ni'in, Allah monunju'an koboi'an-Nyo ko kito agatn kodatakan Kristus Yesus, Ponyolamant kito. Molalu'i Kabar Boi' nantai, Sio udah mongalahan kuaso komatian huatan moonji'i kito hidup inyo somanah-manahnyo di sorugo.

Lukas 1:15

Siaꞌ rindakng obai bobia' nantai paca'an monjadi urakng pontikng di hadapan Tuhatn Allah. Io co ulih minum anggur damo mominum tua' samo sokali. Kuaso Roh Allah paca'an hala momonuhi io ija' tangga'i dalapm porut indainyo.

Matius 3:1

Timpu nantai Yohanes Pombaptis momula'i polayatannyo di padakng pasir di doerah Yudea. Io momboritoan,

Matius 11:10

Obai timpu joman komai ado nabi inyo monulis pomandiran Allah mongona'i Yohanes ni'in: ‘Dinga'anbo! Aku paca'an monyiuh utusan-Ku mondoholu'i Duatn. Utusan-Ku nantai paca'an momposiapan boko urakng pakai' kodatakan Duatn.’

Matius 11:12

Tangga'i Yohanes Pombaptis momboritoan Kabar Boi' sampai watu ni'in, ado boko urakng inyo monontakng Koraja'an Sorugo. Agatn kokorasan, sia' bousaha mongalahan Koraja'an Sorugo.