Matius 11:1 - Porjanjian Boharu Torjomahan Baso Dilakng Soari-ari

¹ Jadi, Yesus moonji'i boko potunju' nantai ko koduo bolas murid-Nyo. Lopas nantai, Sio botula' doi' su'utn mongajar huatan momboritoan Kabar Boi' di boko kota sia'.

Matius 11:1 ပူးပေါင်းရင်းမြစ်များ

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Lukas 8:1

Lopas nantai, Yesus botula' doi' kota ko kota, doi' laman ko laman, momboritoan Kabar Boi' mongonaꞌi Koraja'an Allah. Koduo bolas murid-Nyo tuyut jam.

Matius 9:35

Yesus bokolilikng ko somuo kota ongko desa. Sio mongajar dalapm boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio pan monyamani boko urakng doi' somuo macapm ponyakit.

2 Tesalonika 3:10

Watu koi ija' bosamo agatn kaitn pan, koi moonji'i poringant'an, “Aman ado urakng inyo kinyo honda' bogota'-bokorojo, padohan dionji'i pomakatn am.”

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

Kisah Boko Rasul 10:42

Jadi, Yesus monyiuh koi pakai' momboritoan ko boko urakng. Koi disiuh monyampaian obai Allah udah momilih Yesus monjadi hakipm pakai' somuo urakng inyo hidup agatn urakng inyo mati.

Kisah Boko Rasul 1:2

sampai watu Yesus noi' ko sorugo. Di masa polayatan-Nyo, Sio momilih duo bolas urakng doi' boko murid-Nyo, inyo disobut boko rasul. Watu ari toahir Yesus hidup, Sio ajab sonsaro sampai mati di kayu salib. Apo, lopas nantai, Sio monunju'an boko tando inyo nyata oca' boko rasul nantai pocayo obai Sio bondar-bondar hidup. Somanah ompat puluh ari, Sio moniant'an diri-Nyo boboropo kali ko boko rasul-Nyo. Sio moonji'i boko porintah ko boko rasul-Nyo agatn kuaso Roh Allah inyo ado dalapm diri-Nyo. Sio pan mongajar sia' mongona'i Koraja'an Allah, ia'an sama'an apo caro Tuhatn momimpitn umant-Nyo sobagai Rajo.

Yohanes 15:14

Kaitn nam boko pokawalan-Ku, ia'an aman kaitn molabuhan la'apo inyo Ku porintahan ko kaitn.

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Matius 7:28

Lopas Yesus jadi mongajar somuonyo nantai, urakng banya' inyo mondinga'an pomandiran-Nyo mooso hiratn.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

1 Timotius 6:14

Labuhancam porintah nantai agatn kotakng boi' sampai watu Yesus Kristus, Tuhatn kito bobali' datakng agi'.

Markus 6:12

Jadi, koduo bolas murid Yesus botula' momboritoan obai urakng gola' moninggalan dosa sia' ongko monyonangan hati Allah.

Lukas 23:5

Apo boko pomimpitn urakng Yahudi hala nyosahan. Kato sia', “Sio mohasut boko urakng pakai' momborontak. Niannam pongajaran-Nyo di soluruh tanah urakng Yahudi. Sio mula'i doi' doerah Galilea, sampai ko kota Yerusalem ni'in!”