Matius 10:5 - Porjanjian Boharu Torjomahan Baso Dilakng Soari-ari

⁵ Ongko, Yesus moutus koduo bolas rasul agatn boko potunju' ni'in. Kato-Nyo, “Jangan botula' ko doerah boko urakng inyo bukainyo urakng Yahudi. Jangan jam ko boko kota urakng Samaria.

Matius 10:5 ပူးပေါင်းရင်းမြစ်များ

Matius 22:3

Rajo nantai monyiuh boko hulutnnyo oca' moningkau boko urakng inyo dihundakng boko hulutnnyo, inyo bukai. Katonyo boko urakng inyo dihundakng ko pogai nantai kinyo honda' datakng.

Matius 4:15

“Doerah Zebulon, doerah Naftali, jalatn inyo monuju ko lout, doerah soborakng sungai Yordan, Galilea, doerah boko banso inyo bukainyo banso Yahudi.

Markus 6:7

Yesus moningkau koduo bolas murid-Nyo lalu moutus sia' duo-duo urakng. Sio moonju' kuaso ko sia' pakai' monundukng boko roh jahat.

Lukas 10:1

Lopas nian Tuhatn Yesus momilih tujuh puluh murid inyo bukai. Sio moutus sia' duo-duo urakng mondoholu'i Sio ko somuo kota ongko tompat inyo paca'an didataki-Nyo dalapm pojalatan ko kota Yerusalem.

Lukas 10:33

Apo lopas nantai ado siku' urakng Samaria inyo tongahan bopojalatan, molalu'i jalatn nantai jam. Watu ditiatnyo urakng nantai, io kotakng kasih.

Lukas 17:16

Ongko io tundu' di kaki Yesus, botorima' kasih ko Sio. Nah, urakng nantai doi' suku Samaria, bukainyo Yahudi!

Lukas 9:1

Pas ari nantai, Yesus mongumpulan koduo bolas murid-Nyo. Sio moonji'i kuaso ko sia' pakai' monundukng boko roh jahat huatan monyamani boko ponyakit.

Lukas 9:2

Lalu, Sio moutus sia' pakai' monyamani boko urakng ongko momboritoan kabar mongonaꞌi Koraja'an Allah.

Yohanes 17:18

Samo sama'an Duatn udah moutus Aku ko dunia, ubo nian jam Aku moutus sia' ko dunia.

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Yohanes 4:20

Angki-bayatn koi urakng Samaria monyombah Allah di bukit ninam. Apo kaitn urakng Yahudi bopandir obai somuo urakng gola' monyombah Allah di Yerusalem. Mono inyo bondar?”

Yohanes 4:5

Jadi, Sio datakng ko sobuah kota di Samaria nantai, damonyo Sikhar. Kota nantai kinyo jouh doi' tanah inyo Yakub onju' ko ana'nyo, Yusuf, joman komai.

Yohanes 4:9

Botina' nantai hiratn obai urakng Yahudi kinyo bokoncucu'an agatn urakng Samaria. Kato botina' nantai ko Yesus, “Duatn ni'in urakng Yahudi, apo aku ni'in urakng Samaria! Hibo Duatn minto minum doi' aku?”

Yohanes 7:35

Obai nantai, boko pomimpitn agama Yahudi bopandir ko siku'-monyiku', “Sio ni'in honda' botula' ko mono jadi kito culih monomuan Sio? Kata'an Sio honda' botula' ko boko urakng Yahudi inyo diapm di porantauan kironyo, di antaro urakng Yunani, lalu mongajar urakng Yunani?

Yohanes 8:48

Boko pomimpitn agama Yahudi monimbas Yesus, “Pasti bondaram, aman koi mongatoan obai Duatn ninam urakng Samaria huatannyo korasu'an sitatn!”

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 10:45

Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi.

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.