Matius 10:4 - Porjanjian Boharu Torjomahan Baso Dilakng Soari-ari

⁴ Simon (urakng Zelot), Yudas Iskariot (inyo lopas nian monyorahan Yesus ko musuh-Nyo).

Matius 10:4 ပူးပေါင်းရင်းမြစ်များ

Matius 26:14

Lopas nian, Yudas Iskariot, salah siku' doi' koduo bolas rasul Yesus, io botula' ko boko imam kopala'.

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Yohanes 6:71

(Yesus bomasud Yudas, ana' Simon Iskariot. Obai, Yudas paca'an monyorahan Yesus ko musuh-Nyo, biar pan Yudas ia'an salah siku' urakng doi' koduo bolas muridnyo nantai).

Markus 14:43

Somontaro Yesus ija' bopandir, Yudas datakng. Io ia'an siku' doi' koduo bolas rasul. Bosamo-samo agatn io, sorombokan urakng datakng jam mombaba' podakng ongko pompangkukng. Sia' di siuh boko imam kopala', boko guru agama Yahudi huatan boko pomimpitn banso Yahudi.

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Lukas 22:47

Tongahan Yesus ija' bopandir, sorombokan urakng datakng. Sia' dipimpitn Yudas, salah siku' urakng doi' koduo bolas murid Yesus. Yudas mohampiki Yesus pakai' monyalapi Sio kapikng monciupm.

Lukas 22:3

Lopas nian Rajo Sitatn momansu'i hati Yudas inyo disobut Iskariot, ia'an siku' urakng doi' koduo bolas rasul Yesus.

Markus 14:10

Lopas nantai, Yudas Iskariot, ia'an salah siku' doi' koduo bolas rasul Yesus, io botula' ko boko imam kopala' tujuannyo pakai' monyorahan Yesus ko sia'.

Matius 27:3

Yudas, nam urakng inyo monjual Yesus, io moniant obai udah ado koputusan pakai' mohukupm mati Yesus. Timpu nantai, Yudas monyosal. Io momulakan tigo puluh pingkai' duit pira' nantai ko boko imam kopala' ongko boko pomimpitn banso Yahudi nantai.

Kisah Boko Rasul 1:13

Kali sampai di kota, sia' botula' ko rumah tompat sia' monoluntukng. Di rumah nantai sia' noi' ko kamar sia' di loteng. Boko rasul nantai: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (ana' Alfeus), Simon (urakng Zelot), ongko Yudas (ana' Yakobus).

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Matius 26:15

Katonyo, “La'apo inyo paca'an kaitn onju' ko aku aman aku monyorahan Yesus ko kaitn?” Lalu sia' mombayar tigo puluh pingkai' duit pira' ko io.

Yohanes 6:64

Apo di antaro kaitn ado inyo kinyo pocayo.” Yesus momadahan nantai obai Sio udah tohu doi' mulonyo sopo-sopo inyo co paca'an pocayo ko Sio. Sio pan mongotohu'i sopo inyo paca'an monyorahan Sio ko musuh-Nyo.