Matius 10:3 - Porjanjian Boharu Torjomahan Baso Dilakng Soari-ari

³ Filipus, Bartolomeus, Tomas, Matius (ponagih pajak nantai), Yakobus (ana' Alfeus), Tadeus,

Matius 10:3 ပူးပေါင်းရင်းမြစ်များ

Kisah Boko Rasul 1:13

Kali sampai di kota, sia' botula' ko rumah tompat sia' monoluntukng. Di rumah nantai sia' noi' ko kamar sia' di loteng. Boko rasul nantai: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (ana' Alfeus), Simon (urakng Zelot), ongko Yudas (ana' Yakobus).

Markus 3:18

Lopasnyo ado Andreas, Filipus, Bartolomeus, Matius, Tomas, Yakobus (ana' Alfeus), Tadeus, Simon (urakng Zelot),

Markus 2:14

Tongahan Yesus bojalatn di santai, Sio moniant ado urakng Yahudi inyo monagih pajak pakai' pomorintahan Romawi. Damonyo Lewi, ana' Alfeus. Lewi tongahan dudu' di rumah tompat pongumpulan pajak. Yesus bopandir ko io, “Tuyut Aku!” Lewi lansukng bodiritn, tuyut Yesus.

Matius 9:9

Lopas nantai, Yesus botula' doi' santai. Sio moniant ado siku' urakng Yahudi inyo monagih pajak pakai' pomorintahan Romawi. Damonyo Matius, tongahan dudu' di rumah tompat pongumpulan pajak. Yesus bopandir ko Matius, “Tuyut Aku cam!” Matius nantai bodiritn ongko tuyut Yesus.

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Yohanes 11:16

Tomas, salah siku' murid Yesus inyo disobut jam “Ana' Kombar”, io bopandir ko boko murid inyo bukai. Katonyo, “Pasti Yesus paca'an mati di su'utn. Hincapm, kito tuyut botula' oca' kito mati bosamo agatn Yesus.”

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.

Yakobus 1:1

Pakai' somuo boko urakng inyo pocayo doi' koduo bolas suku umant Allah inyo tosebar di soluruh dunia. Salapm doi' ku, Yakobus, inyo molayati Allah ongko polayatn Yesus Kristus.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Galatia 1:19

Timpu nantai aku co botomu agatn boko rasul inyo bukai kocuali Yakobus, somadikan Tuhatn Yesus.

Kisah Boko Rasul 21:18

Kohobu'annyo, Paulus samoan koi botula' monomu'i Yakobus. Somuo ponotua' inyo bukai pan udah bokumpul di santai.

Kisah Boko Rasul 12:17

Apo Petrus mombori' tando agatn jarinyo oca' sia' langunt holu'ai. Io mongisahan ko sia' sama'an apo caro Tuhatn udah mongoluaran io doi' ponjara. Ongko, io bopandir ko sia', “Padahancam mongona'i hal ni'in ko Yakobus ongko boko urakng pocayo inyo bukai.” Lopas nantai, io botula' ko kota bukai.

Lukas 5:27

Lopas nantai, Yesus koluar doi' rumah nantai. Di santai ado siku' urakng Yahudi tukakng ponagih pajak pakai' pomorintahan Romawi. Damonyo Lewi, tongahan dudu' di pos tompat pongumpulan pajak. Kato Yesus ko io, “Huncapm jadi murid Aku!”

Kisah Boko Rasul 15:13

Lopas sia' duo jadi bopandir, hoyu' Yakobus bopandir. Katonyo, “Boko somadikan, dinga'anbo aku.

Yohanes 14:22

Yudas (Apo bukainyo Yudas Iskariot) bopandir ko Yesus, “Tuhatn, obai apo Duatn honda' monyatoan diri Duatn ko koi, apo kinyo boko urakng bukai di dunia?”

Yohanes 14:9

Timbas Yesus ko io, “Filipus, Aku udah cukup manah bosamo kaitn. Hibo sampai watu ni'in kolai bolupm mongonal Aku? Urakng inyo udah moniant Aku, rotinyo udah moniant Bopai jam. Jadi, hibo kolai bopandir sama'an nantai, ‘Pulah oca' koi ulih moniant Bopai agatn mato koi sikuꞌ’?

Matius 27:56

Di antaro sia' ia'an Maria Magdalena, Maria (indai doi' Yakobus ongko Yusuf), huatan indai doi' rasul Yakobus ongko Yohanes, ia'an nantai koduo ana' Zebedeus.

Matius 18:17

Aman io kinyo honda' mondinga'an nosihat kaitn, sampaiancam pokaro nantai ko jomaat. Aman io kinyo honda' jam mondinga'an nosihat sia', ongko anggapcam io nantai urakng inyo kinyo mongonal Allah huatan ponagih pajak.

Markus 15:40

Di santai ado jam boko botina' inyo moniant doi' jouh. Di antaro sia' ia'an Salome, Maria Magdalena, ongko Maria (indai doi' Yakobus inyo muda' ongko Yoses.)

Lukas 18:10

“Ado duo urakng inyo botula' ko Rumah Allah pakai' bodoa; siku' urakng pomimpitn agama Yahudi doi' kolompok Farisi huatan siku' urakng ponagih pajak.

Lukas 18:11

Urakng Farisi nantai lalu bodoa dalapm hati ubo ni'in, ‘Oi Allah, aku bosukur ko Duatn, obai aku co bodosa samaꞌan urakng bukai inyo mongolit, molanggar hukupm, bomporajoan damo jahat samaꞌan ponagih pajak ni'in.

Lukas 18:13

Apo ponagih pajak nantai bodiritn jouh doi' somuo urakng bukai. Io monundu'an kopala'nyo obai mooso kinyo cucu' monongadah ko sorugo. Io momantu-mantu dadonyo obai monyosali boko dosanyo. Io bopandir, ‘Oi, Allah. Tulukng kasihibo aku. Aku ni'inan urakng inyo bodosa!’ ”

Lukas 19:2

Ado siku' urakng kopala' ponagih pajak inyo bodiapm di santai. Damonyo Zakheus. Io kotakng dampu.

Yohanes 1:48

Natanael botakutn, “Sama'an apo Duatn tohu agatn aku?” Timbas Yesus, “Sobolupm Filipus moningkau kolai, Aku udah moniant kolai di babah kayu ara nantai.”

Yohanes 14:5

Tomas bopandir ko Sio, “Tuhatn, koi co tohu ko mono Duatn botula'. Jadi, sama'an apo koi tohu jalatn ko su'utn?”