Matius 10:2 - Porjanjian Boharu Torjomahan Baso Dilakng Soari-ari

² Ni'in daptar damo koduo bolas rasul nantai: Potamo, Simon (inyo Yesus damo'i Petrus jam), Andreas (somadikan Simon nantai), Yakobus (ana' Zebedeus) ongko somadikannyo Yohanes,

Matius 10:2 ပူးပေါင်းရင်းမြစ်များ

Matius 17:1

Onam ari lopas nantai, Yesus noi' ko sobuah bukit inyo tinggi. Sio bayo mombaba' Petrus, Yakobus ongko Yohanes somadikan Yakobus oca' sia' sonsiku'an bosamo agatn Sio di su'utn.

Matius 20:20

Lopas nantai, indai sia' Yakobus agatn Yohanes datakng ko Yesus bosamo agatn sia'. Rasul Yakobus huatan Yohanes ia'an boko poana'an Zebedeus. Indai sia' tundu' monyungkapan di hadapan Yesus pakai' mominto la'apo kohonda'nyo.

Matius 26:37

Sio mombaba' Petrus ongko koduo ana' Zebedeus bosamo agatn-Nyo. Watu nantai, Yesus mula'i mooso kotakan salu' ongko golisah.

Matius 4:18

Timpu Yesus tongahan bojalatn di pantai Danau Galilea, Sio moniant duo urakng nolayatn, ia'an Simon (inyo jam ditingkau Petrus) ongko Andreas, somadikannyo. Sia' tongahan monjalo ikatn di danau.

Matius 4:21

Yesus bojalatn torus lalu moniant duo urakng somadikan bukainyo agi', ia'an Yakobus ongko Yohanes. Sia' tongahan monambali jalo sia' di dalapm porohu bosamo agatn Bopai sia' inyo bodamo Zebedeus. Yesus moningkau Yakobus ongko Yohanes pakai' monjadi pongikut Sio.

Markus 1:29

Lopas koluar doi' rumah sombayakng nantai, Yesus, Yakobus, ongko Yohanes botula' ko rumah Simon ongko Andreas.

Markus 13:3

Lopas nian, Yesus botula' ko bukit Jaitun. Sio dudu' di santai botopakan agatn Rumah Allah. Timpu nantai, Petrus, Yakobus, Yohanes, huatan Andreas datakng ko Sio honda' bopandir sonsiku'an agatn Sio. Kato sia',

Markus 6:30

Lopasnyo boko rasul Yesus bobali' bokumpul agatn Sio. Sia' bokisah ko Sio somuo inyo udah sia' labuhan ongko ajaran watu bojalatn ko boko laman tontainyo.

Lukas 11:49

Nantaiam obainyo, Allah inyo kotakan pintar-corodi' bopandir obai Sio tajahan mongiripm boko nabi huatan boko rasul ko kaitn urakng Israel, apo kaitn tajahan mombunuh sobagi'annyo huatan kaitn paca'an mondorako'i sobagi'annyo agi'.

Lukas 22:14

Timpu udah watunyo acara makatn malapm morayaan Paskah nantai, Yesus dudu' bosamo boko rasul-Nyo di meja makatn.

Lukas 22:8

Jadi, Yesus monyiuh Petrus ongko Yohanes. Kato-Nyo, “Botula'cam momposiapan Poraya'an Paskah oca' kito makatn sosamo.”

Lukas 9:10

Boko rasul Yesus bobali'. Sia' mongisahan ko Sio somuo inyo sia' labuhan timpu bojalatn ko boko laman nantai. Ongko, Yesus botula' bosamo boko rasul-Nyo, monuju ko kota Betsaida, bogoyap tompat inyo langunt oca' bayo ado sia' ja'am.

Yohanes 12:22

Ongko Filipus botula' mongabaran hal nantai ko Andreas. Lopas nantai sia' duo monyampaiannyo ko Yesus.

Yohanes 13:23

Siku' murid inyo kotakng dikasihi Yesus, io dudu' dampikng Yesus.

Yohanes 20:2

Jadi, io monggidi'an monggoyapi Simon Petrus huatan siku' urakng murid inyo bukai inyo dikasihi Yesus. Kato Maria ko sia' duo nantai, “Bangkai Tuhatn udah dikuti' doi' pasaran! Koi co tohu di mono Sio dilota'an.”

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Yohanes 21:20

Pas Petrus mongilikng ko bolikat, io moniant ado murid inyo bukai tuyut sia'. Murid nantaiam murid inyo kotakan kokidah Yesus. (Timpu sia' makatn bosamo komai, murid-Nyo nantaiam murid inyo dudu' dampikng Yesus lalu botakutn, “Tuhatn, sopo kironyo inyo paca'an monyorahan Duatn ko musuh?”).

Yohanes 21:24

Murid nantaiam murid inyo momadahan mongona'i somuonyo ni'in. Ionam inyo udah monulisnyo. Kito tohu obai pomandirannyo bondar.

Yohanes 6:67

Lalu Yesus bopandir ko koduo bolas murid-Nyo, “Kata'an kaitn honda' moninggalan Aku jam ai?”

Yohanes 6:70

Timbas Yesus ko sia', “Aku siku' udah momilih kaitn, koduo bolas urakng ni'in pan? Apo salah siku' di antaro kaitn nan sitatn!”

Yohanes 6:71

(Yesus bomasud Yudas, ana' Simon Iskariot. Obai, Yudas paca'an monyorahan Yesus ko musuh-Nyo, biar pan Yudas ia'an salah siku' urakng doi' koduo bolas muridnyo nantai).

Yohanes 6:8

Siku' murid-Nyo inyo bukai, ia'an Andreas, somadikan Simon Petrus, io bopandir ko Yesus,

Kisah Boko Rasul 1:13

Kali sampai di kota, sia' botula' ko rumah tompat sia' monoluntukng. Di rumah nantai sia' noi' ko kamar sia' di loteng. Boko rasul nantai: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (ana' Alfeus), Simon (urakng Zelot), ongko Yudas (ana' Yakobus).

Kisah Boko Rasul 1:26

Lopas nian sia' botonung. Sokalinyo damo Matias am inyo topilih dalapm potonungan nantai. Jadi, io diangkat monjadi rasul bonsamo kosobolas rasul inyo bukai.

Kisah Boko Rasul 12:2

Io monyiuh oca' Rasul Yakobus anci' Rasul Yohanes dibunuh pakai podakng.

Kisah Boko Rasul 3:1

Timpu japm tigo babahari, Petrus huatan Yohanes honda' tuyut sombayakng babahari. Jadi sia' duo botula' ko tongahlamanan Rumah Allah.

1 Korintus 15:7

Lopas nian, Yesus moniant'an diri Sio ko Yakobus, ongko ko somuo rasul inyo bukai.

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

1 Petrus 1:1

Surat ni'in doi' aku, rasul Petrus, inyo diutus Yesus Kristus. Surat ni'in pakai' boko urakng inyo dipilih Allah inyo tongahan morantau di doerah Pontus, Galatia, Kapadokia, Asia Kocit huatan Bitinia.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

2 Yohanes 1:1

Surat ni'in doi' ku, inyo momimpitn kaitn. Ko inyo tohormat: Indai inyo udah dipilih Allah huatan poana'an kolai. Aku bondar-bondar mongasihi kaitn. Bukainyo bayo aku, apo kaitn pan dikasihi jam ulih somuo urakng inyo pocayo agatn ajaran inyo bondar.

3 Yohanes 1:1

Surat ni'in doi'ku, inyo momimpitn jomaat. Ko inyo tohormat: Gayus inyo tokasih. Inyo ku kasihi obai kito sosamo pocayo agatn ajaran inyo bondar.

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 22:8

Aku, Yohanes, udah mondinga' huatan moniant somuonyo nantai. Lopas jadi aku mondinga' huatan moniantnyo, aku lansukng tokosungkapm di pohadapan kaki molekat inyo udah monunju'an somuonyo nantai ko aku. Aku bomasud pakai' monyombah io.