Matius 10:19 - Porjanjian Boharu Torjomahan Baso Dilakng Soari-ari

¹⁹ Timpu kaitn ditangkap, jangan gola' mongona'i pomandiran inyo paca'an kaitn pandiran pakai' mombela diri. Jangan gola' jam mongona'i caronyo kaitn gola' monyampaian pomandiran nantai. Obai watu nantai, Allah siku' paca'an moonji'i ko kaitn pomandiran.

Matius 10:19 ပူးပေါင်းရင်းမြစ်များ

Matius 10:18

Obai kaitn pongikut Aku, kaitn paca'an dibaba' ko boko ponguaso ongko boko rajo pakai' diadili. Nantaiam watunyo kaitn paca'an bosasi mongona'i Aku ko sia' urakng Yahudi huatan ko boko urakng inyo bukainyo urakng Yahudi.

Matius 6:25

“Obai nantai, jangan kuatir mongona'i makatan damo minuman pakai' hidup kaitn. Jangan kuatir mongona'i pakai'an pakai' bukakng-tubuh kaitn. Hidup lobih pontikng doi' pomakatn. Bukakng-tubuh lobih pontikng doi' pakai'an.

Matius 6:31

Obai nantai, jangan kuatir huatan bopandir, ‘La'apo inyo paca'an koi pua'i’? ‘La'apo inyo paca'an koi minum’? ‘La'apo inyo paca'an koi pakai’?

Matius 6:34

Obai nantai, ari ni'in jangan kuatir mongona'i ari hobu'. Hobu' urusan hobu'. Ado cukup banya' kosusahan dalapm soari pakai' dipikiran.”

Lukas 12:11

Aman kaitn dibaba' ko boko rumah sombayakng pakai' diadili di pohadapan pomorintah damo ponguaso, jangan gola' mongonaꞌi caro kaitn gola' mombela diri. Jangan gola' mongonaꞌi la'apo inyo gola' kaitn pandiran.

Lukas 12:12

Obai timpu nian jam, Roh Allah paca'an momadahi la'apo inyo gola' kaitn pandiran.”

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.