Matius 10:15 - Porjanjian Boharu Torjomahan Baso Dilakng Soari-ari

¹⁵ Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Matius 10:15 ပူးပေါင်းရင်းမြစ်များ

Matius 12:36

Jadi, dinga'anbo ni'in: Timpu Ari Ponghakipan Allah nononyo, sotiap urakng gola' botanggukng jawab agatn sotiap pomandiran inyo kalo dipandirannyo agatn sombarakan.

Matius 5:18

Dinga'anbo ni'in: Somanah ija' ado langit huatan bumi, co nyiant la'apo pan inyo paca'an dihilakan doi' Hukupm Torat, biar pan sobuti' hurup damo sobuti' titik, sampai somuonyo tojadi.

Matius 7:22

Timpu ari toahir, banya' urakng paca'an mondorah ko Aku, ‘Tuhatn, Tuhatn, koi udah monyampaian posatn Allah. Koi udah monundukng boko roh jahat. Koi udah molabuhan banya' mujisat. Koi molabuhan somuonyo nantai momakai kuaso Duatn jam.’

Markus 6:11

Apo aman kaitn kinyo ditorima' boko urakng di sobuah laman, aman sia' co honda' mondinga'an kaitn, koluar ja'am doi' laman nantai. Tata'an dobu doi' kaki kaitn pakai' momporingant'i sia'.”

Yohanes 12:48

Apo, pas ahir joman nononyo, somuo urakng inyo monula' Aku, somuo urakng inyo co mondinga' pomandiran-Ku, sia' paca'an dihukupm. Sia' paca'an dihukupm sosuai agatn ajaran inyo udah Aku sampaian. Pomandiran inyo Aku sampaian monjadi sama'an hakipm inyo mohukupm sia'

Yohanes 6:39

Ninam kohonda' Sio inyo udah moutus Aku: ia'an oca' somuo urakng inyo dionju' ko aku paca'an Ku hidupan agi' di ahir joman. Jangan ado siku' pan urakng doi' sia' inyo kinyo solamant.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

1 Korintus 3:13

Pokoroja'an somuo urakng nantai paca'an diuji agatn api pado ari ponghakipan. Pado watu nantai paca'an dikotohu'i agatn jolas apobai hasil pokoroja'an sotiap urakng nantai boi' damo cado.

1 Tesalonika 5:4

Boko urakng nantai kinyo bososiap samo sama'an boko urakng di dalapm potakng-hiru' inyo co tohu aman sia' paca'an didataki urakng pongolit. Apo, boko somadikan, kaitn kinyo samo sama'an sia'. Kaitn hidup di dalapm torakng watu ari siakng.

Ibrani 10:25

Jangannam kito botongga' bokumpul sombayakng, sama'an inyo udah biaso dilabuhan boko urakng. Apo, mara kito hala monguat'an hati inyo bukainyo, lobih-lobih agi' obai kito udah tohu kinyo manah agi' Tuhatn tajahan bobali' datakng.

2 Petrus 2:6

Allah jam mohukupm kota Sodom huatan Gomora. Sio momusnahan boko kota nantai agatn api sampai monjadi habu. Agatn sama'an nian, Allah moonji'i poringant'an ko boko urakng inyo molawatn-Nyo di joman nononyo.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

1 Yohanes 4:17

Agatn ubo ni'inan kito paca'an tohu aman kito bondar-bondar ado kasih Allah di dalapm hati kito: Ia'an nantai aman kito co gola'an Ari Ponghakipan nononyo. Kito jangan gola'am obai di dunia ni'in kito hidup agatn caro inyo samo sama'an Kristus.

Yudas 1:6

Ado boko molekat jam inyo kalo dihukupm Tuhatn. Boko molekat nantai molewati batasan kuaso inyo udah ditontuan pakai' sia'. Sia' botula' doi' tompat sia' bodiapm. Ongko, sia' dirantai pakai' somanah-manahnyo. Tuhatn monawatn sia' di tompat inyo kotakan potakng-hiru' sampai ari Ponghakipan nononyo.

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.