Matius 10:13 - Porjanjian Boharu Torjomahan Baso Dilakng Soari-ari

¹³ Aman sia' honda' monorima' salapm sonang-asau nantai, Allah bondar-bondar paca'an bulah koluarga nantai sonang-asau. Apo, aman sia' kinyo honda' monorima'nyo, sonang-asau nantai paca'an bobali' ko kaitn.

Matius 10:13 ပူးပေါင်းရင်းမြစ်များ

Matius 10:12

Aman kaitn momansu'i ko rumah uyakng, ucapan salapm ko ‘Boko urakng inyo bodiapm di rumah nantai.’

Matius 10:14

Aman ado urakng inyo kinyo monorima' kaitn damo kinyo honda' mondinga' pomandiran kaitn mongona'i Kabar Boi', koluarcam doi' rumah damo kota nantai. Tinggalancam sia'. Tata'cam dobu doi' kaki kaitn sobagai poringant'an hukupan pakai' sia'.

Lukas 10:6

Aman urakng umputn rumah honda' monorima' sonang-asau nantai, Allah bondar-bondar tajahan bulah koluarga nantai sonang-asau. Apo, aman urakng umputn rumah co monorima'nyo, sonang-asau nantai paca'an bobali' ko kaitn.

2 Korintus 2:16

Bagi urakng inyo paca'an bonaso, koi samo sama'an bou buru' inyo mombaba' komatian. Apo, bagi urakng inyo paca'an disolamant'an, koi samo sama'an bou harupm inyo mombaba' kohidupan inyo sobondarannyo. Apo sopo bai inyo sanggup molabuhan tugas inyo sama'an ni'in?