Matius 10:1 - Porjanjian Boharu Torjomahan Baso Dilakng Soari-ari

¹ Yesus moningkau koduo bolas murid-Nyo pakai' bokumpul. Ongko, Sio moonji'i ko sia' kuaso pakai' monundukng boko roh jahat huatan monyamani bomacapm ponyakit.

Matius 10:1 ပူးပေါင်းရင်းမြစ်များ

Lukas 10:19

Dinga'anbo! Aku udah moonji'i kuaso ko kaitn pakai' mongalahan kuaso jahat, kuaso musuh kito, ia'an pan co nyiant inyo ulih mombonasoan kaitn.

Lukas 24:49

Apo diapmcam di kota Yerusalem ni'in holu'ai obai Aku paca'an moutus Roh Allah ko kaitn, samaꞌan inyo udah dijanjian Bopai-Ku. Diapmcam holu'ai sampai Roh Allah datakng pakai' molongkapi kaitn agatn kuaso doi' Allah.”

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Yohanes 3:27

Timbas Yohanes, “Conyiant siku' urakng pan inyo ulih monguti' la'apo pan aman Allah kinyo moonju'nyo.

Lukas 6:13

Sunsukng kohobu'annyo, watu matoari udah moncara', Sio moningkau boko murid-Nyo datakng, doi' somuo murid nantai Sio momilih duo bolas urakng, boko urakng ni'in dionji'i golar Rasul.

Lukas 21:15

Obai Aku siku' tajahan moonji'i ko kaitn komampuan pakai' mongatoan pomandiran inyo topat, sampai boko musuh kaitn kinyo paca'an ulih monontakng ongko monikaki kaitn.

Kisah Boko Rasul 19:15

Apo roh jahat nantai monimbas, “Aku udah tohu agatn Yesus. Aku pan tohu Sio moonji'i kuaso ko Paulus pakai' monundukng koi. Apo kaitn co nyiant kuaso la'apo pan!”

Yohanes 17:2

Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

Yohanes 6:70

Timbas Yesus ko sia', “Aku siku' udah momilih kaitn, koduo bolas urakng ni'in pan? Apo salah siku' di antaro kaitn nan sitatn!”

Yohanes 3:35

Allah, Bopai mongasihi Ana'-Nyo. Allah udah moonju' ko Sio kuaso dipucu' la'apo pan.

Wahyu 12:1

Lopas nian, tando luar biaso ni'in kotiat'an di langit: Ado siku' urakng botina' inyo mongona'an matoari sobagai pakai'annyo. Io bodiritn dipucu' bulatn. Dikopala'nyo ado mahkota inyo todiri doi' duo bolas bintakng.

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Matius 26:20

Lopas ari udah malapm, Yesus dudu' makatn bosamo-samo agatn koduo bolas murid-Nyo.

Matius 19:28

Kato Yesus ko sia', “Dinga'anbo ni'in: Timpu Allah bulah somuo hal monjadi boharu, Ana' Monsio paca'an dudu' di pucu' krosi-Nyo inyo tohormat pakai' momorintah di dunia boharu ni'in. Kaitn boko murid-Ku pan paca'an dudu' di pucu' duo bolas krosi ponguaso. Kaitn paca'an mohakipi koduo bolas suku banso Israel.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Matius 9:35

Yesus bokolilikng ko somuo kota ongko desa. Sio mongajar dalapm boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio pan monyamani boko urakng doi' somuo macapm ponyakit.

Matius 9:38

Jadi, mintocam ko Umputn lakau oca' Sio mongiripan lobih banya' urakng bokorojo pakai' mohanyi hasil tanaman-Nyo.”