Matius 1:21 - Porjanjian Boharu Torjomahan Baso Dilakng Soari-ari

²¹ Maria paca'an boana'an siku' bobia' lolaki. Kolai gola' mondamo'i-Nyo, Yesus, obai Io monyolamant'an umant-Nyo doi' boko dosa sia'.”

Matius 1:21 ပူးပေါင်းရင်းမြစ်များ

Matius 1:25

Apo Yusuf kinyo kopal-kumpul agatn Maria sampai Maria boana'an Bobia' nantai. Lopas Bobia' nantai lahir, Yusuf mondamo'i-Nyo, Yesus.

Lukas 1:13

Apo molekat nantai bopandir, “Jangan gola', Zakharia! Allah udah mondingaꞌ doa kolai. Bini kolai Elizabet tajahan boana', ana'nyo lolaki. Kolai gola' mondamo'inyo Yohanes pakai' damonyo.

Lukas 1:31

Kolai tajahan buntikan, ongko boana'. Ana' kolai lolaki ongko gola' kolai damo'i Yesus.

Lukas 2:11

Obai ari ni'in di kota Daud udah lahir siku' urakng Ponyolamant, pakai' monulukng kaitn. Io nantai Rajo Inyo Dijanjian Allah.

Lukas 2:21

Timpu boumur dolapatn ari, bobia' nantai pan disunant ongko didamo'i Yesus. Damo inyo udah dipadahan molekat sobolupm indai-Nyo buntikan.

Yohanes 1:29

Kohobu'annyo, Yohanes moniant Yesus datakng ko io. Yohanes bopandir, “Tiat! Numbo, Ana' Domba inyo diutus Allah oca' mohapus dosa dunia.

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Kisah Boko Rasul 13:23

Lopas nantai, Allah bojanji pakai' mongiripm siku' urakng Ponyolamant pakai' urakng Israel. Ponyolamant nantai ia'an doi' koturutan Rajo Daud. Watu ni'in, Allah udah momonuhi janji-Nyo nantai. Ponyolamant nantai ia'an Yesus.

Kisah Boko Rasul 3:26

Apo Allah moutus Yesus pakai' monjadi Hulutn-Nyo ko kito banso Yahudi tolobih doholu. Allah udah bulah Sio hidup agi' doi' komatian oca' kito diborokati. Ninam caronyo Allah momborokati kito, ia'an agatn monulukng kito oca' kito masikng-masikng botongga' bulah dosa ongko monaati Sio.”

Kisah Boko Rasul 4:12

Jadi ongkah Yesus nam inyo dapat monyolamant'an monsio doi' hukupan dosa. Obai di soluruh dunia bayo Sioam dionji'i kuaso ulih Allah pakai' monyolamant'an monsio. Co nyiant inyo bukai.”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

1 Yohanes 1:7

Apo, aman kito hidup di dalapm torakng, samo agatn Allah hidup dalapm torakng, jadi kito pan mondapat kosatuan agatn inyo bukainyo. Kito pan diborosihi doi' boko dosa kito obai darah Yesus, Ana'-Nyo.

1 Yohanes 3:5

Kaitn tohu obai Kristus datakng pakai' moamputi dosa monsio. Sio samo sokali co bodosa.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.