Matius 1:20 - Porjanjian Boharu Torjomahan Baso Dilakng Soari-ari

²⁰ Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 1:20 ပူးပေါင်းရင်းမြစ်များ

Matius 1:18

Kolahiran Yesus Kristus, Rajo Inyo Dijanjian Allah nantai, tojadi dinga' ni'in: Maria nantaiam indai Yesus. Sobolupm nantai, io botunangan agatn Yusuf. Apo sobolupm sia' kawitn, ruponyo Maria udah buntikan. Nantai tojadi obai kuaso Roh Allah.

Matius 2:12

Sobolupm pulakng ko laman sia', Allah momporingant'i sia' di dalapm mimpi oca' jangan bobali' ko Herodes. Jadi sia' pulakng molalu'i jalatn bukai.

Matius 2:13

Lopas jadi boko urakng majus nantai botula', molekat Tuhatn Allah datakng ko Yusuf dalapm mimpi. Molekat nantai bopandir, “Rajo Herodes paca'an monggoyapi Bobia' nantai oca' ulih mombunuh Sio. Jadi huascam, baba' Bobia' nantai agatn indai-Nyo pindah ko Mesir. Bodiapmcam di su'utn sampai Aku momandiran ko kolai pakai' bobali'.”

Matius 2:19

Yusuf ongko ana' bininyo ija' ado di nogori Mesir. Apo, lopas Rajo Herodes mati, molekat Tuhatn Allah moniant'an diri agi' ko Yusuf dalapm mimpi.

Matius 2:22

Apo, Yusuf mondinga' obai Arkhelaus, ana' lolaki Rajo Herodes, udah monggonti'i bopainyo momorintah doerah Yudea. Jadi, Yusuf gola' botula' ko su'utn. Lalu, io dinosihati dalapm mimpi, ongko io botula' agatn ana' bininyo ko doerah Galilea.

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Matius 28:5

Apo molekat nantai bopandir ko boko botina' nantai, “Jangan gola'! Aku tohu kaitn monggoyapi Yesus inyo udah dihukupm mati di kayu salib.

Lukas 1:19

Timbas molekat nantai ko io, “Aku ninam molekat Gabriel inyo molayati Allah. Aku udah diutus pakai' bopandir ko kolai huatan monyampaian borito boi' nantai ko kolai.

Lukas 2:4

Sama'an nian jam, Yusuf botula' doi' kota Nazaret di doerah Galilea, ko doerah Yudea ko kota Daud damonyo Betlehem, obai Yusuf doi' koturutan Daud.

Kisah Boko Rasul 5:19

Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,

Wahyu 19:7

Maracam kito bosonang-sonang huatan bonyanyi-bosair. Pujicam Sio obai ari kawitan Ana' Domba nantai udah watunyoam. Pongantitn-Nyo udah siap.