Matius 1:18 - Porjanjian Boharu Torjomahan Baso Dilakng Soari-ari

¹⁸ Kolahiran Yesus Kristus, Rajo Inyo Dijanjian Allah nantai, tojadi dinga' ni'in: Maria nantaiam indai Yesus. Sobolupm nantai, io botunangan agatn Yusuf. Apo sobolupm sia' kawitn, ruponyo Maria udah buntikan. Nantai tojadi obai kuaso Roh Allah.

Matius 1:18 ပူးပေါင်းရင်းမြစ်များ

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Matius 12:46

Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.

Matius 2:11

Sia' mansu' ko dalapm rumah nantai ongko moniant Bobia' nantai bosamo agatn Maria, indai-Nyo. Sia' monyungkapan monyombah Bobia' nantai, ongko mombuka' poti tompat bando barakng sia'. Sia' moonju' boko posombahan ko Sio, ia'an omas, monyan ongko mur.

Lukas 1:25

Kato Elizabet, “Allah udah moniant'an koboi'an-Nyo agatn aku. Ni'in cuku malu am obai Allah udah moonji'i ana' ko aku.”

Lukas 2:5

Ongko Yusuf pan mondaptaran diri agatn Maria tunangannyo inyo tongahan buntikan.

Ibrani 10:5

Obai nantai am watu Kristus datakng ko dunia ni'in, Sio bopandir ko Allah, “Duatn kinyo mohonda'i kurbatn bonatakng ongko posombahan. Duatn kinyo sonang agatn posombahan inyo ditunu'i. Duatn kinyo sonang agatn kurbatn bonatakng inyo di onju' oca' dosa urakng diamputi. Apo Duatn udah moonju' bukakng-tubuh pakai'-Ku.

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.